وقيعا • 28 قازان، 2021

سقو-دا تولەم تەرمينالىن بۇزعان تۇرعىن ۇستالدى

49 رەت كورسەتىلدى

پەتروپاۆلدا پوليتسەيلەر تولەم تەرمينالىن بۇزۋعا ارەكەتتەنگەن ەر ادامدى ۇستادى، دەپ حابارلايدى Egemen.kz.

سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە، پەتروپاۆلدا تاڭعى ساعات 5.00 شاماسىندا «102» ارناسىنا كۋاگەرلەر حابارلاسىپ، بەلگىسىز ادامنىڭ جامبىل جانە ينتەرناتسيونال كوشەلەرىنىڭ قيىلىسىندا ورنالاسقان تەرمينالدى بۇزباق بولىپ جاتقانىن حابارلادى. ەر ادامنىڭ قولىندا تەمىر زاتى بولعان.

جەدەل باسقارۋ ورتالىعىنىڭ وپەراتورى كامەرانى وقيعا ورنىنا قاراي باعىتتاپ، اقپاراتتى راستادى. جاقىن ماڭدا جۇرگەن پاترۋلدىك پوليتسيا ەكيپاجى ەر ادامدى ۇستاپ، پەتروپاۆل قالالاق پوليتسيا باسقارماسىنىڭ ەكىنشى پوليتسيا بولىمىنە جەتكىزدى. ۇستالعان كۇدىكتى ەكىباستۇز قالاسىندا تۋعان بۇرىن سوتتالعان 27 جاستاعى جىگىت بولىپ شىقتى. مەديتسينالىق كۋالاندىرۋ ونىڭ ماس ەكەندىگىن كورسەتتى. ۇرلىق جاساۋعا وقتالۋ فاكتىسى سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە «ۇرلىق» بابى بويىنشا ەنگىزىلدى.

«بەينەباقىلاۋ كامەرالارى — زاڭ بۇزۋشىلىقتاردى انىقتاۋدا جانە جولىن كەسۋدە، قىلمىستاردى ء«ىزىن سۋىتپاي اشۋدا» سەنىمدى قۇرال. جىل باسىنان بەينەباقىلاۋ ينسپەكتورلارى 14 مىڭنان استام اكىمشىلىك قۇقىق بۇزۋشىلىقتى انىقتادى، ونىڭ 12 مىڭعا جۋىعى جول ءجۇرىسى ەرەجەلەرىن بۇزۋعا قاتىستى. سونداي-اق قىلمىستاردى اشۋعا ىقپال ەتكەن 146 فاكتى انىقتالدى»، دەيدى جەدەل باسقارۋ ورتالىعىنىڭ باستىعى ەرىك قۇلجانوۆ.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار