قوعام • 28 قازان، 2021

قازاقستاندا ۇشاقتار ۇشپاي قالۋى مۇمكىن

427 رەت كورسەتىلدى

نۇرسۇلتان نازارباەۆ حالىقارالىق اۋەجايىندا اۆياوتىننىڭ تاپشىلىعى سەزىلىپ، ءتىپتى تۇراقتى جولاۋشىلار رەيستەرى ءۇشىن دە كومپانيالاردى اۆياكەروسينمەن قامتاماسىز ەتۋ توقتاتىلادى، دەپ حابارلايدى Egemen.kz.

وپەراتورلار سوڭعى ەكى ايدا اۋەجايعا 14 مىڭ توننا كەروسين جەتكىزۋى ءتيىس ەدى. ەندى Air Astana-نى قوسپاعاندا، قازاقستاندا بارلىق اۆياكومپانيا پروبلەماعا تاپ بولدى. سولاردىڭ ءبىرى – SCAT كومپانياسى اۆياتسيالىق كەروسين تاپشىلىعى ن. نازارباەۆ اۋەجايىندا عانا ەمەس، رەسپۋبليكانىڭ باسقا وڭىرلەرىندە دە تۋىنداپ وتىرعانىن مالىمدەدى.

«ەلىمىزدىڭ ءۇش قالاسىندا جاعداي ۋشىعىپ تۇر. كومپانيانىڭ اقتاۋداعى اۆياتسيالىق وتىن قورى تاياۋداعى ءتورت كۇنگە عانا، ال اقتوبە مەن استانا اۋەجايىندا ەكى كۇنگە جەتەدى»، دەلىنگەن SCAT كومپانياسىنىڭ حابارلاماسىندا.

بەلگىلى بولعانداي، ۇشۋ تولىقتاي كەستەگە سايكەس جۇرگىزىلەدى. بىراق، بۇگىن كومپانيانىڭ اۋەجايلاردا وتىن قورى بىتۋگە تاياۋ.

اۋە كەمەلەرىنىڭ اۆياتسيالىق كەروسينگە تاپشى بولىپ وتىرۋىنىڭ سەبەبى ءوندىرۋ كولەمى ەداۋىر تومەندەگەن. اۆياتاسىمالداۋشىنىڭ قاجەتتى نورمانى تولىق الا الماعانى ءوز الدىنا، اۋە وتىنىنا باعا شارىقتاپ كەتكەن. كومپانيانىڭ باسىنا تۇسكەن جاعداي اۋە تاسىمالداۋشىلارعا تىكەلەي اسەر ەتەتىنىن SCAT كومپانياسى جاسىرمايدى.

«ەڭ جامانى، ۇشۋ كەستەسىنىڭ ورىندالماۋىمەن قاتار، بيلەت باعاسىنىڭ ايتارلىقتاي قىمباتتاۋىنا ياعني 40%-عا دەيىن وسۋىنە الىپ كەلەدى. سايىپ كەلگەندە، جولاۋشىلار زارداپ شەگەدى. قازىرگى ۋاقىتتا شەتەلدىك ەكسپورتتاۋشىلاردان اۆياتسيالىق وتىن ساتىپ الۋدى دا قامتاماسىز ەتۋ مۇمكىن ەمەس. جەكە نارىقتاردا قاجەتتىلىك ايتارلىقتاي جوعارى. قالىپتاسقان جاعدايدا رەسپۋبليكانىڭ اۆياتسيا نارىعىنىڭ بارلىق سۋبەكتىلەرىنە اۆياتسيالىق وتىندى ۇزدىكسىز جەتكىزۋ ءۇشىن ۇكىمەتتىڭ شۇعىل ارالاسۋى تالاپ ەتىلەدى»، دەلىنگەن حابارلامادا.

«نۇرسۇلتان نازارباەۆ حالىقارالىق اۋەجايى» اق ءباسپاسوز حاتشىسى ءانۋار شالەكەنوۆتىڭ ايتۋىنشا، قازاقستاننىڭ ءىرى رەسۋرس ۇستاۋشىلارى مەن جەتكىزۋشىلەرى اۆياوتىندى ۋاقىتىلى جەتكىزە الماي وتىر، بۇل قازىرگى ۋاقىتتا اۋەجايدىڭ وڭىرلىك كولىك تورابى رەتىندە قالىپتى جۇمىس ىستەۋىنە كەرى اسەرىن تيگىزۋدە.

«قازىر رەسەي فەدەراتسياسىنىڭ ءونىم جەتكىزۋشىلەرى بىرقاتار سەبەپتەرگە، ونىڭ ىشىندە ىشكى سۇرانىستىڭ ارتۋىنا بايلانىستى قازاقستانعا اۆياوتىن جەتكىزۋدەن باس تارتتى. قاراشا ايىندا بىردە-ءبىر جەتكىزۋشى اۆياوتىن كولەمىن راستامادى. جاڭا كەلىسىمشارتتار بويىنشا ەڭ جاقىن اراداعى جەتكىزۋ 15 قاراشادا بولۋى مۇمكىن. ءبىز جۇك رەيستەرىنە جانارماي قۇيۋعا شەكتەۋلەر ەنگىزدىك جانە جاقىندا ولاردى مۇلدەم قابىلداماۋعا ءماجبۇر بولامىز. سودان كەيىن بۇل اۆياكومپانيالاردى قازاقستانعا كەرى قايتارا المايمىز»، دەيدى ءانۋار شالەكەنوۆ.

ەلوردا اۋەجايى مەن SCAT اۋە كومپانياسىنىڭ اۆياوتىن جەتىسپەۋشىلىگىنە قاتىستى مالىمدەمەلەرىنە بايلانىستى يندۋستريا جانە ينفراقۇرىلىمدىق دامۋ مينيسترلىگى مالىمدەمە جاسادى.

«پاۆلودار مۇناي-حيميا زاۋىتىندا جوندەۋ جۇمىستارىنا بايلانىستى اۆيا وتىننىڭ ىشكى نارىعىندا اۋەجايلار مەن اۋە كومپانيالارى ءۇشىن اۆياكەروسين وندىرۋگە جانە قامتاماسىز ەتۋگە بايلانىستى بەلگىلى ءبىر قيىندىقتار بار.  دەگەنمەن تۇراقتى جولاۋشىلار جانە جۇك رەيستەرى ۇزدىكسىز قامتاماسىز ەتىلدى. ەنەرگەتيكا مينيسترلىگىمەن بىرلەسىپ، زاۋىتتاردان، جەكە كومپانيالاردان، «قازمۇنايگاز-اەرو» جشس-دان پمحز جۇمىسىن قايتا باستاعانعا دەيىن اۋە كومپانيالارى مەن اۋەجايلارعا وتىن جەتكىزۋ كەستەسىن ازىرلەدى. قازان ايىنىڭ سوڭىنا دەيىن مۇناي وڭدەۋ زاۋىتتارى ەكى مىڭ توننا اۆياوتىن شىعارادى. ونىڭ ىشىندە نۇر-سۇلتان قالاسىنىڭ اۋەجايى ءۇشىن قوسىمشا وتىن بولىنەدى. سونداي-اق، SCAT اۋە كومپانياسىنا شىمكەنت مۇناي وڭدەۋ زاۋىتىنان قوسىمشا اۆياكەروسين جەتكىزۋ جوسپارلانىپ وتىر»، دەلىنگەن مينيسترلىكتىڭ مالىمدەمەسىندە.  

مينيسترلىكتىڭ مالىمەتىنشە، ەلوردا اۋەجايىندا 3،1 مىڭ توننا اۆياكەروسين بار. جاقىن كۇندەرى 3،9 مىڭ توننا (3 مىڭ توننا – «قازمۇنايگاز-اەرو» جشس، 0،7 مىڭ توننا – «پەتروسان» جشس، 0،2 مىڭ توننا – East fuel) جەتكىزۋ جوسپارلانىپ وتىر. الماتى اۋەجايىنداعى وتىن قالدىعى – 5،4 مىڭ توننا. تاعى 4 مىڭ توننا جونەلتىلگەن. 5،8 مىڭ تونناعا كەلىسىمشارت جاسالدى.

«Air Astana اۋە كومپانياسىندا 7،4 مىڭ توننا، SCAT اۋە كومپانياسىندا 1،7 مىڭ توننا وتىن قالعان. 1،5 مىڭ تونناعا كەلىسىمشارت جاسالدى»، دەلىنگەن مينيسترلىك مالىمدەمەسىندە.

SCAT اۋە كومپانياسى جوعارىدا تۋىنداعان تاپشىلىققا بايلانىستى باعانىڭ وسكەنىن دە اتاپ وتكەن ەدى. مينيسترلىك مالىمدەمەسىندە اۋە وتىنىنىڭ قۇنىنا قاتىستى پىكىر ايتىلعان جوق.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

ۇقساس جاڭالىقتار