وقيعا • 28 قازان، 2021

ماڭعىستاۋدا جارىلىستان 5 اسكەري قىزمەتكەر جاراقات الدى

423 رەت كورسەتىلدى

الەۋمەتتىك جەلىلەردە ماڭعىستاۋ وبلىسىنىڭ بەينەۋ اۋدانىنداعى اسكەري بولىمدە جارىلىس بولعاندىعى تۋرالى اقپارات تارادى، دەپ حابارلايدى Egemen.kz.

وقيعا 27 قازان كۇنى ساعات كۇندىزگى 11:00 شاماسىندا بولعان. بولجام بويىنشا مەكەمەدە گراناتالار جارىلىپ، سالدارىنان  بەس سارباز ءتۇرلى دەنە جاراقاتىن الدى.

قورعانىس مينيسترىگىنىڭ ءباسپاسوز قىزمەتى اتالعان فاكتىنى راستادى. بىراق ازىرگە جارىلىستىڭ ناقتى سەبەبى ايتىلمادى.

«2021 جىلعى 27 قازاندا ماڭعىستاۋ وبلىسىنداعى وقۋ-جاتتىعۋ پوليگونىن جوسپارلى تازالاۋ بارىسىندا بەس اسكەري قىزمەتشى جاراقات الدى. ولارعا قاجەتتى مەديتسينالىق كومەك كورسەتىلدى. دارىگەرلەر اسكەري قىزمەتشىلەردىڭ جاعدايىن قاناعاتتانارلىق دەپ باعالاۋدا. وقيعا بويىنشا تەكسەرۋ باستالدى»، دەلىنگەن حابارامادا.

سوڭعى جاڭالىقتار

ۇقساس جاڭالىقتار