پرەزيدەنت پوشتاسىنان

ەلدىگىمىزدىڭ بولاشاعى باياندى بولسىن مەملەكەت باسشىسىنا وڭتۇستىك قازاقستان وبلىسىنىڭ زيالى قاۋىم وكىلدەرى مەن ارداگەرلەرى اتىنان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. وعان كەڭەس وداعىنىڭ باتى­رى ت.قاۋىمباەۆ, “داڭق” وردەنى­نىڭ تولىق يەگەرى ق.قالتاەۆ, سو­تسيا­ليس­تىك ەڭبەك ەرلەرى ب.ءشۇ­كىر­بەكوۆ, ك.ءبور­عازيەۆ, حالىق اقىنى ءا.قا­لى­بەكوۆا, حالىق ءارتىسى ا.اب­دۋل­لينا, اقىن-جازۋشىلار م.باي­­عۇت, ح.ەسەن­قارا­قىزى, ە.تۇ­رىسوۆ, س.سا­حابات, ا.مۇ­ساەۆ, جۋر­ناليستەر ب.قونىسبەك, ە.بو­ران­باي, ەڭبەك ار­داگەرى س.قالعىنباەۆ, م.اۋەزوۆ اتىنداعى وقمۋ رەكتورى ۋ.بي­شىم­باەۆ, ق.ا.ياساۋي اتىنداعى حقتۋ پرو­فەس­سورى ءا.مۇ­ساقۇلوۆ, ونەر قايراتكەرى م.رۇستەموۆ, وقپۋ “وتىرار” ينس­تيتۋتىنىڭ پرو­فەسسورى ءو.عۇ­باي­دۋللين, ج.شا­نين اتىنداعى وب­لىستىق قازاق دراما تەاترىنىڭ ءارتىسى ا.قال­مىرزاەۆ, مەملەكەتتىك سىي­لىقتىڭ لاۋرەاتى ءا.ومباەۆ قول قويعان. اۆتورلار ەلباسى ن.نازار­باەۆ­تى “باتىس-شىعىس” ينستي­تۋ­تى­نىڭ بەيبىتشىلىك جانە الدىن الۋ ديپلوماتياسى سىيلىعىنا يە بولۋىمەن قۇتتىقتاپ, وسىناۋ نا­گرادا بۇكىل قازاقستان حالقى ءۇشىن ۇلكەن قۋانىش, اسقاق ابىروي, مەرەيلى مارتەبە ەكەنىن اتاپ وتەدى. ەلباسى جۇرگىزىپ وتىرعان سارابدال ساياسات­تىڭ ارقاسىندا قازاقستان تاۋەل­سىزدىك جىلدارى الەم مويىن­داعان مەم­لەكەتكە, دۇنيە جۇزىندەگى بەي­بىتشىلىك ساياساتىن ءىس جۇزىندە ءدا­لەلدەپ كەلە جاتقان ەلگە اينال­عانىنا توقتالادى. ودان ءارى حاتتا بىلاي دەلىنگەن: “بيىلعى جىلى قازاقستان ەۋرو­پا­داعى قاۋىپسىزدىك جانە ىنتى­ماق­تاستىق ۇيىمىنىڭ توراعاسى رە­تىندە بيىك تۇعىرعا كوتەرىلدى. ازيا, تمد ەلدەرىنىڭ اراسىندا العاشقى بولىپ ەۋروپا تورىنە شىقتى. باتىس تا, شىعىس تا مويىنداپ, سا­ناساتىن, قۇرمەتتەيتىن ەل بول­دىق. بۇل – ەلدىڭ تۇڭعىش پرە­زي­دەن­تى, ۇلتىمىزدىڭ ۇلى پەرزەنتى, ادامزات تاريحىنان لايىقتى ورىن الاتىن – ءسىزدىڭ ەرەن ەڭبەگىڭىزدىڭ ناتيجەسى. دۇنيە ءجۇزىنىڭ بىرقاتار ءبولى­گىندە, ىرگەلەس جاتقان ەلدەردە بەي­بىتشىلىككە قاۋىپ ءتونىپ, حالىقتىڭ باسىنا اۋىرتپالىقتار ءتۇسىپ جات­قاندا, ءبىزدىڭ ەلىمىزدە ورنىققان ىنتىماق, بىرلىك پەن تاتۋلىق, ەكو­نوميكامىزدىڭ قارقىندى ءوسىپ, حالقىمىزدىڭ ءال-اۋقاتىنىڭ ارتا ءتۇسۋى كىم-كىمگە دە ۇلگى بو­لارلىقتاي. ەلدىگىمىزدىڭ بولاشاعى, باياندى باقىتى ۇزاعىنان سۇيىندىرگەي! سول جولدا سىزگە زور دەنساۋلىق, ۇزاق عۇ­مىر تىلەيمىز! اتقارىپ كەلە جات­قان وراسان ەڭبەگىڭىزدىڭ جەمى­سىن دە, جەڭىسىن دە حالقىڭىزبەن بىرگە كورە بەرىڭىز!”, – دەلىنگەن حاتتا. سىندارلى ساياساتتىڭ جەمىسى ەلباسىنىڭ اتىنا الماتى وبلىسىنىڭ تۇرعىندارى – قازاقستان رەس­پۋب­ليكاسى قوعامدىق ارداگەرلەر ۇيىمى بىرلەستىگى الماتى وبلىستىق في­لي­الى­نىڭ توراعاسى ە.دالباعاەۆتان, قوعام قايراتكەرى ب.ساقاۋوۆادان, ەڭبەك ەرى ز.تامشىباەۆادان, سوعىس جانە ەڭبەك ارداگەرى ع.ەگەمبەرديەۆتەن جانە قا­زاقستان رەسپۋبليكاسىنىڭ ەڭبەك سىڭىرگەن مۇعالىمى ت.قاناپيانوۆتان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. حات يەلەرى پرەزيدەنتتىڭ بيىلعى جولداۋىندا ەلدىڭ الەۋمەتتىك-ەكو­نوميكالىق, رۋحاني دامۋىنا قاتىستى ماسەلەلەر كوتەرىلگەنىن اتاپ وتكەن. “جۇمىر جەردىڭ تاعدىرى ءۇشىن جاۋاپكەرشىلىكتى سەزىنۋ جايىنداعى تۇ­شىمدى ويلارىڭىزعا, يادرولىق قا­رۋسىزدانۋ تۋرالى باستاما كوتە­رىپ, بۇكىل الەمدى بەيبىتشىلىككە شا­قىر­عان يگى تىلەگىڭىزگە دۇنيە ءجۇزى قۇلاق ءتۇرىپ, ءسىزدى قارۋسىز الەم قۇرۋ ىسىندە لايىقتى كوشباسشى دەپ با­عالاعانى جانە ءبىراۋىزدان قول­داعانى ءبىزدى شاتتاندىردى. كورشىلەس قىرعىز ەلىندەگى بەرە­كەت­سىزدىك ءبارىمىزدىڭ جانىمىزعا باتقان ەدى. وسى كۇردەلى كەزەڭدە ەقىۇ توراعاسى رەتىندە قىر­عىز­ستان­نىڭ ىشكى قاۋىپتى جاعدايىن رەت­تەۋگە, باۋىرلاس اعايىننىڭ ءوزارا شيە­لەنىسىن بولدىرماۋعا ىقپال ەت­تى­ڭىز. توسكەيدە مالى تۇيىسكەن قوڭسى قىرعىز ەلىندەگى ازاماتتىق سوعىس­تىڭ الدىن الۋعا بار كۇش-جىگەرىڭىزدى جۇمساپ, ناقتى ارەكەت جاسادىڭىز. ءسىزدىڭ جانقيارلىقپەن ءجۇر­گىز­گەن قاجىرلى ەڭبەگىڭىز بەن سىن­دار­لى ساياساتىڭىزدىڭ ارقاسىندا ەلى­مىزدە با­بالاردىڭ ەجەلگى ارمانى – ەگەمەن­دىك پەن تاۋەلسىزدىك, ىنتىماق پەن تاتۋلىق جۇزەگە استى. سون­دىق­تان دا كۇللى قازاق حالقى, بارشا قا­زاقستاندىقتار وزدەرىنىڭ ارمانى مەن بولاشاعىن سىزگە دەگەن سەنىم­مەن, پاراساتتىلىعىڭىزبەن جانە تاريحي ۇلى كوشتىڭ باستاۋشىسىنا اينالۋىڭىزبەن بايلانىستىرادى. ءبىز, سوعىس ارداگەرلەرى, “ەل باس­قا­­رۋشىلار – اللانىڭ جەردەگى وكىلى” دەگەن يسلام قاعيداسىن ءجيى قايتالاپ, ەلباسىنىڭ ايتقانىنا ۇيىپ, جۇرتشىلىقتىڭ تىنىشتىق پەن بىرلىك ساقتاۋىن ءاردايىم تىلەيمىز. قادىرلى نۇرسۇلتان ءابىش ۇلى! وتانىمىزدىڭ شاڭىراعىن شاتتىققا بولەپ, حالقىمىزدىڭ باعى مەن باقىتىن ەسەلەي بەرىڭىز!” – دەلىنگەن حاتتا.