جوبا بىرنەشە كەزەڭ بويىنشا جۇزەگە اسادى: وتىنىمدەردى قابىلداۋ, ىرىكتەۋ, قاتىسۋشىلاردى وقىتۋ جانە دايارلاۋ, بيزنەس-جوسپارلار مارافونىن وتكىزۋ.
جوبانىڭ ماقساتى ءومىر ساپاسىنىڭ ستاندارتتارىن جەتىلدىرۋگە, وزىق ءبىلىم مەن تەحنولوگيالاردى ەلدىڭ الەۋمەتتىك-ەكونوميكالىق ومىرىنە ىقپالداستىرۋعا باعىتتالعان كاسىپكەرلەردىڭ الەۋمەتتىك ماڭىزى بار بيزنەس-باستامالارىن قولداۋ بولىپ تابىلادى.
بايقاۋدىڭ ناتيجەسى بويىنشا 10 فيناليست ىرىكتەلەتىن بولادى.
«بايقاۋدىڭ 5-ءشى ماۋسىمىنىڭ ايىرماشىلىعى, بۇل ماۋسىمدا جۇلدەگەرلەر بولمايتىندىعىندا. جوبانىڭ 10 ءفيناليسى ءۇشىن بيزنەس-پەرىشتەلەرمەن پيتچ-سەسسيالار ۇيىمداستىرىلاتىن بولادى, ولار پەرسپەكتيۆتى ستارتاپتارعا 100 ملن. تەڭگەدەن استام ينۆەستيتسيا سالۋعا دايىن», دەدى «Bolashaq» قاۋىمداستىعىنىڭ مۇشەسى, «Alawwal Partners» ينۆەستيتسيالىق قورىنىڭ باسقارۋشى سەرىكتەسى قانىش تىلەۋشىن.
جوبا جۇزەگە اسىرىلىپ جۇرگەن ۋاقىت ارالىعىندا بايقاۋعا 10 000-نان استام ادام قاتىسىپ ۇلگەرگەن. بۇگىنىگى تاڭدا ولاردىڭ كوپشىلىگى جەكە كاسىپتەرىن يگەرىپ العان.
بايقاۋعا قاتىسۋعا ارنالعان وتىنىمدەر 22 قاڭتارعا دەيىن (قوسا العاندا) ونلاين www.startup-bolashak.kz سايتىندا قابىلدانادى. جەڭىمپازداردىڭ اتتارى ءساۋىر ايىندا بەلگىلى بولادى. «Startup Bolashaq» بايقاۋىنىڭ بارىسىن رەاليتي-شوۋ فورماتىندا كورۋگە بولادى.
بايقاۋدىڭ ءوتۋى جانە ءوتىنىم بەرۋ تۋرالى تولىعىراق اقپاراتتى www.startup-bolashak.kz سايتىنان جانە +7 7172 707 669 تەلەفونى ارقىلى بىلە الاسىزدار.
