ايماقتار • 27 قازان، 2021

تارازدا سىرقات بالالار اۋرۋحانا دالىزىندە جاتىر

30 رەت كورسەتىلدى

الەۋمەتتىك جەلىدە جامبىل وبلىسىنىڭ كوپسالالى بالالار اۋرۋحاناسىندا دالىزدە جاتقان بالالاردىڭ ۆيدەوسى تارادى. اتا-انالاردىڭ نارازىلىعىنا باس دارىگەردىڭ ورىنباسارى سەيداحمەت چينيبەكوۆ جاۋاپ بەردى، دەپ حابارلايدى Egemen.kz.

الەۋمەتتىك جەلىلەردە تاراتىلعان ۆيدەودا اۋرۋحانا ءدالىزى كورسەتىلگەن. كۇتۋشىلەرگە ارنالعان ورىندىقتاردا بالالار مەن ەرەسەك پاتسيەنتتەر جاتاتىن توسەكتەر توسەلدى. سونىمەن قاتار دالىزگە ناۋقاستارعا ارنالعان بىرنەشە كەرەۋەت قويىلعان.

سەيداحمەت شىنىبەكوۆتىڭ ايتۋىنشا، ۆيدەودا كورسەتىلگەن ناۋقاستار پالاتادا سانيتارلىق وڭدەۋ شارالارى جۇرگىزىلگەن كەزدە دالىزدە كۇتىپ وتىرعان.

«كۇزگى-قىسقى كەزەڭدە ءجىتى رەسپيراتورلىق اۋرۋلار سانى ارتادى. پۋلمونولوگيا بولىمىنە تاۋلىگىنە 100-130 پاتسيەنت جۇگىنەدى. ستاتسيونارلىق ەمدەۋدى قاجەت ەتەتىن بالالاردىڭ سانى ارتىپ كەلەدى. اۋرۋحاناعا جاتقىزىلعان بارلىق بالالارعا كوروناۆيرۋستىق ينفەكتسياعا پتر-تالداۋ جاسالادى. تەرىس ناتيجە الىنعاننان كەيىن بالالاردى بەيىندى بولىمشەگە اۋىستىرادى.

بىراق پالاتادا ءاربىر پاتسيەنتتەن كەيىن سانيتارلىق وڭدەۋ، دەزينفەكتسيالاۋ، كۆارتستاۋ، جەلدەتۋ جۇرگىزىلەدى، توسەك-ورىن جابدىقتارى اۋىستىرىلادى. سوندا عانا ءبىز پالاتاعا كىرە الامىز. بالالار دالىزدە ۋاقىتشا عانا جاتقان، ولار پالاتانىڭ دەزينفەكتسيالانۋىن كۇتتى. بۇل جارتى ساعاتتان ەكى ساعاتقا دەيىن سوزىلادى»، دەپ ءتۇسىندىردى باس دارىگەردىڭ ورىنباسارى.

الەۋمەتتىك جەلىلەردە بالالاردىڭ ءبىر بولىگى اۋرۋحاناعا قابىلدانباي، ءتۇن ىشىندە بايزاق اۋرۋحاناسىنا بارۋعا ءماجبۇر بولعاندىعى ايتىلادى. الايدا شىنىبەكوۆ بۇل اقپاراتتى جوققا شىعاردى.

«شىنىندا دا، بالالار وتە كوپ. اۋرۋحاناعا شاعىمدارى بويىنشا جاتقىزىلادى. بىراق بىزدە ونداي جوق، ءبىز بايزاق اۋرۋحاناسىنا ەشكىمدى جىبەرمەدىك. بىزگە جۇگىنگەن بارلىق بالالار قابىلدانادى»، دەدى سەيداحمەت شىنىبەكوۆ.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار