سپورت • 27 قازان، 2021

ۆولەيبولدان قازاقستان كۋبوگىنىڭ جەڭىمپازى انىقتالدى

34 رەت كورسەتىلدى

بۇگىن وسكەمەن قالاسىندا ۆولەيبولدان ايەلدەر كوماندالارى اراسىندا قازاقستان كۋبوگىنىڭ ويىندارى مارەگە جەتتى، دەپ حابارلايدى Egemen.kz.

فينالدىق ماتچتا ەل چەمپيونى – وسكەمەننىڭ «التايى» مەن كۇمىس جۇلدەگەر – تالدىقورعاننىڭ «جەتىسۋ» كومانداسى باس جۇلدەنى ساراپقا سالدى. سوڭعى كەزدە چەمپيوندىق اتاق ءۇشىن ءوزارا تالاسىپ جۇرگەن قوس كوماندا قۇرامىندا جاڭا ماۋسىم الدىندا بىرقاتار وزگەرىستەر بولدى.

«التايدى» بۇرىنعىشا سەربيالىق مامان ماركو گرشيچ جاتتىقتىرسا، «جەتىسۋ» تىزگىنىن بەلگىلى قازاقستاندىق ۆولەيبولشى ەلەنا پاۆلوۆا الدى. العاشقى ەكى پارتيادا قازاقستان ۇلتتىق قۇراماسىنىڭ كاپيتانى، ورال ۆولەيبولىنىڭ تۇلەگى سانا انارقۇلوۆا باستاعان وسكەمەندىكتەر 25:22، 25:16 ەسەبىمەن باسىم ءتۇستى. الايدا بۇدان كەيىن تالدىقورعاندىقتار قاتارىنان ەكى پارتيانى الىپ، تارازى باسىن تەڭەستىردى.

اسىرەسە، ولاردىڭ قاتارىندا رەسەيلىك ۆالەريا شاتۋنوۆا سياقتى ۆولەيبولشىلار ناتيجەلى ويىنىمەن كوزگە ءتۇستى. دەگەنمەن سوڭعى سەتتە «التاي» 15:11 ەسەبىمەن جەڭىستى ج ۇلىپ الىپ، بەسىنشى رەت ەل كۋبوگىنىڭ يەگەرى اتاندى. قوس كوماندانىڭ ليبەرولارى، وسكەمەندىك ءمادينا بەكەت پەن تالدىقورعاندىق توميريس ساعىنباەۆا دا قورعانىستا ءساتتى ويناي ءبىلدى.

ەندى «التاي» مەن «جەتىسۋ» 29 قازان كۇنى وسكەمەندە سۋپەركۋبوك ءۇشىن الاڭعا قايتا شىعاتىن بولادى.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار