ءبىز وسى كوشەدە تۇرامىز

الماعايىپ تاريح تول­قى­نىندا عاسىر بويى حال­قى­مەن قوسا جاساسىپ, ەل شە­جىرەسىن قاتتاعان “ەگە­مەن قازاقستان” گا­زەتىنىڭ 90 جىلدىق تورقالى تويى وتكەن جىلى كەڭ كو­لەم­دە اتالىپ ءوتتى. ەل گازەتىنىڭ ايتۋلى مەرەكەسىنە ەلباسى نۇرسۇلتان نازارباەۆ ارنايى كەلىپ, استانا قالا­سىن­دا بوي كوتەرگەن باسىلىمنىڭ جاڭا عيماراتى­نىڭ تۇساۋىن كەستى. مىنە, وسى ءبىر مەرەيلى مەرەكە كۇندەرىندە استانا قالا­سى­نىڭ اكىمدىگى مەن قالالىق ءماسليحاتى ۇلتتىق باسىلىمنىڭ بايراعىن اسقاق­تاتىپ, الماتى اۋدانىنداعى بۇرىنعى م.لو­مونوسوۆ اتىنداعى كوشەگە “ەگەمەن قازاقستان” گا­زەتى” كو­شەسى دەگەن اتاۋ بەرىپ, ارنايى شەشىم قابىلدادى. گا­زەتىمىزگە دەگەن وسىنداي شىنايى قۇرمەت ءۇشىن استانا قالاسىنىڭ اكىمىنە, قالالىق ءماسليحاتتىڭ دەپۋتاتتارىنا, قالالىق ونوماستيكا كوميسسيا­سى­نا, بۇرىنعى م.لو­مو­نوسوۆ اتىنداعى كوشەنىڭ تۇرعىندارىنا العىس بىلدىرەمىز. سولاي بولا تۇرسا دا, بۇگىندە رەداكتسيامىزعا كۇن قۇر­عات­پاي وقىر­مان­داردان ءتۇسىپ جاتاتىن حات-حابار­لاردىڭ با­سىم كوپ­شىلىگى ەسكى مەكەن-جاي بوي­ىنشا كە­لەدى. ارينە, جاڭا اتاۋدىڭ تەز دە جىلدام ءسىڭىستى بولىپ كەتۋى ءۇشىن ۋاقىت تا كەرەك شىعار. دەگەن­مەن, گازەتىمىزدىڭ جان­اشىرلارى مەن جالپى وقىرمان قاۋىمنىڭ جاڭا مەكەن-جايدى بىلگەنى-اق دۇرىس. وسىعان بايلانىستى رەداكتسيا­مىزدىڭ بۇگىنگى مەكەن-جايى: 010008. استانا قالاسى, “ەگەمەن قازاقستان” گازەتى” كوشەسى, 5/13 ەكەندىگىن وقىرماندارىمىزدىڭ ەسىنە سالامىز. ءسوز ورايى كەلگەندە ەسكە سا­لار تاعى ءبىر ءجايت, كوشە اتاۋى ءوز­گەر­گەنىمەن, رەداكتسيا عيماراتى­نىڭ قوس بەتىندەگى, اباي داڭعى­لىن­داعى (م.لومونوسوۆ), كەنەسا­رى كوشەسىندەگى (جۋكوۆكا) اتتى ايال­دامالاردىڭ اتاۋلارى ءالى ءوز­گەر­گەن جوق. بۇل “ەگەمەن قازاق­ستان” گازەتى رەداكتسياسىنىڭ مە­كەن-جايىن ىزدەيتىن جۇرتشىلىق­قا ايتارلىقتاي قيىندىقتار تۋ­دىرۋدا. الداعى ۋاقىتتا قالا اكىم­دىگى جانە قالالىق جولاۋ­شى­لار تاسىمالداۋ دەپارتامەنتى بۇل ماسەلەنى ەسكەرەر دەگەن سەنىمدەمىز. اۆتوبۋس جۇرگىزۋشىلەرى: “كەلەسى ايالداما — “ەگەمەن قازاقستان”, دەپ حابارلاپ جاتسا قانداي جاراسىمدى!