«ەۋروپالىق وداق 2023 جىلدان باستاپ كومىرتەك سالىعىن ەنگىزۋدى جوسپارلاپ وتىر. ول زياندى شىعارىندىلار دەڭگەيى وتە جوعارى وندىرىسكە يمپورتتالاتىن تاۋارلارعا ەنگىزىلەتىن بولادى. ايتا كەتەرلىگى, مۇنداي ەلدەر ءۇشىن 2026 جىلدىڭ 1 قاڭتارىنا دەيىن كوشپەلى كەزەڭ ۇسىنۋ مۇمكىندىگى دە قاراستىرىلىپ جاتىر. ەگەر دە قانداي دا ءبىر تاۋارلار جايىندا ايتار بولساق, وندا ولار – مۇناي ونىمدەرى, بولات, اليۋميني, تسەمەنت, ورگانيكالىق حيميا تاۋارلارى. كومىرتەك سالىعى قۇرىلىمىنا قاتىستى ەۋروپالىق وداقتا تالقىلاۋ ءجۇرىپ جاتىر», دەدى مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
وسى رەتتە ول اتالعان تالقىلاۋلار بارىسىن تىڭعىلىقتى باقىلاپ, ساراپتاما جۇرگىزىپ وتىرعاندىقتارىن جانە ەۋرازيالىق ەكونوميكالىق وداقتاعى سەرىكتەستەرىمىزبەن كەڭەس جۇرگىزەتىندىكتەرىن اتاپ ءوتتى. «جالپى, ەسەپتەۋلەر جۇرگىزىلىپ جاتىر. مەنىڭشە, وسى جىلدىڭ سوڭىنا دەيىن بۇل ماسەلە ايقىندالاتىن بولادى», دەدى اسەت ەرعاليەۆ.
