«ەۋروپالىق وداق 2023 جىلدان باستاپ كومىرتەكتى قاجەتسىنەتىن ونىمدەر يمپورتىنا سالىناتىن شەكارالىق كومىرتەك سالىعىن ەنگىزۋدى جوسپارلاپ وتىر. بۇل حالىقارالىق ساۋدا ەرەجەلەرىن تۇبەگەيلى وزگەرتەتىن بولادى. پاريج كەلىسىمى اياسىندا قازاقستان وزىنە 2030 جىلعا قاراي شىعارىندىلاردى 1990 جىلعى دەڭگەيدەن 15 پايىزعا, ال حالىقارالىق قولداۋ كورسەتىلەتىن جاعدايدا 25 پايىزعا قىسقارتۋ مىندەتتەمەسىن الدى», دەدى مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
الايدا, مينيستر بۇگىنگى تاڭدا شىعارىندىلار 1990 جىلعى دەڭگەيدەن الدەقاشان اسىپ كەتكەنىن ايتادى.
«ايتارلىقتاي ءىس-شارالار قابىلدانباسا, بولجام بويىنشا جالپى شىعارىندىلاردىڭ ۇلعايۋى جالعاسىپ, 2060 جىلى 473 ميلليون توننادان اساتىن بولادى», دەدى ول.
وسى رەتتە سەرىكقالي برەشەكەۆ قازاقستان رەسپۋبليكاسىنىڭ پاريج كەلىسىمىنىڭ تەمپەراتۋرالىق تالابىن ساقتاۋ, سونداي-اق مەملەكەت باسشىسىنىڭ كومىرتەگى بەيتاراپتىعىنا قول جەتكىزۋ تۋرالى مالىمدەمەسىن ىسكە اسىرۋعا ۇلەس قوسۋ ءۇشىن 2060 جىلعا دەيىن كومىرتەگى بەيتاراپتىعىنا قاتىستى دوكتريناسىنىڭ جوباسى ازىرلەنگەنىن اتاپ ءوتتى.
«دوكترينانى ازىرلەۋ كەزىندە ناقتى ەكونوميكانى مودەلدەۋ ءۇشىن ەڭ وزىق TIMES, CGE جانە System Dynamics ۇلگىلەرى قولدانىلدى. بۇل بارىنشا از ينۆەستيتسيالىق شىعىندار جۇمساۋ جانە بارىنشا كوپ ەكونوميكالىق پايدا الۋ تۇرعىسىنان العاندا قازاقستان ەكونوميكاسىن كومىرسىزدەندىرۋدىڭ ەڭ وڭتايلى جولىن انىقتاۋعا مۇمكىندىك بەردى», دەدى مينيستر.
