قازاقستان • 27 قازان، 2021

جانۋارلاردى اسىراۋ شارتىن بۇزعاندارعا ايىپپۇل سالىنادى

31 رەت كورسەتىلدى

سانيتارلىق نورمالاردى ساقتامايتىن جانە كورشىلەرگە قولايسىزدىق تۋدىراتىن ءۇي جانۋارلارىنىڭ يەلەرىنە ايىپپۇل سالىنادى، دەپ حابارلايدى Egemen.kz.

كوپ پاتەرلى ۇيلەردە مىسىقتار مەن يتتەردى ۇستاۋ شارتتارى تۋرالى ماسەلەنى دەپۋتات گۇلدار نۇرىموۆا كوتەردى.

«ادامدار ءبىر پاتەردە مىسىقتار مەن يتتەردىڭ كوپ مولشەرىن ۇستايتىن كورشىلەرىنە شاعىمدانادى. بۇل فاكتىلەر ۇلكەن پروبلەمالار تۋعىزادى. بۇل جاعىمسىز ءيىس، شۋ، ءجۇننىڭ كوپ مولشەرى جانە جالپى ءۇي اۋماعىندا سانيتارلىق نورمالاردىڭ بۇزىلۋى. بۇل ماسەلەنى شەشۋ قاجەت پە؟»، دەپ سۇرادى ماجىلىسمەن «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىن تالقىلاۋ كەزىندە.

ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ سۇراققا جاۋاپ بەرە وتىرىپ، مۇنداي ءۇي جانۋارلارىنىڭ يەلەرىنە ايىپپۇل سالىناتىنىن ايتتى.

«كورشى پاتەردە 20-30 مىسىق پەن يت ۇستالاتىن جاعدايلار بار. بۇل ءۇيدىڭ قالعان تۇرعىندارى ءۇشىن بەلگىلى ءبىر قولايسىزدىقتى تۋدىراتىنى تۇسىنىكتى. سوندىقتان ءۇي جانۋارلارىنىڭ يەسى سانيتارلىق-گيگيەنالىق تالاپتاردى ساقتاۋعا مىندەتتى. ولاردى بۇزعان جاعدايدا 10 اەك-تەن 20 اەك-كە دەيىنگى مولشەردە ايىپپۇل تۇرىندە اكىمشىلىك جاۋاپكەرشىلىك قاراستىرىلعان (29 170 - 58 340 تەڭگە). ءبىز بۇل نورمانى اكىمشىلىك قۇقىق بۇزۋشىلىق تۋرالى كودەكستە قاراستىردىق»، دەپ ءتۇسىندىردى ەكولوگيا مينيسترلىگىنىڭ باسشىسى.

ونىڭ ايتۋىنشا، ءبىرىنشى بۇزۋشىلىق كەزىندە ايىپپۇل سوماسى 10 اەك، ەكىنشى رەت - 20 اەك-ءتى قۇرايتىن بولادى.

سوڭعى جاڭالىقتار

ۇقساس جاڭالىقتار