بۇل تۋرالى Polisia.kz سايتى ءمالىم ەتتى.
جىل سايىن 1 قىركۇيەكتەن 1 قاراشاعا دەيىن جامبىل وبلىسى پوليتسيا دەپارتامەنتى اكىمشىلىك پوليتسيا باسقارماسى جول جانە تەحنيكالىق ينسپەكتسياسىنىڭ قىزمەتكەرلەرى مۇددەلى قىزمەتتەرمەن بىرلەسىپ, اۆتوموبيل جولدارىنا كەشەندى كۇزگى تەكسەرۋ جۇرگىزەدى.
جول قوزعالىسى قاۋىپسىزدىگىن قامتاماسىز ەتۋ ماقساتىندا جامبىل وبلىسى پد ءاپب قىزمەتكەرلەرى اعىمداعى جىلدىڭ 7-20 قازان ارالىعىندا «جامبىل وبلىسى اكىمدىگىنىڭ جولاۋشىلار كولىگى جانە اۆتوموبيل جولدارى باسقارماسى» جانە «جول اكتيۆتەرىنىڭ ۇلتتىق ساپا ورتالىعى», «قازاۆتوجول» ۇلتتىق كومپانياسى اكتسيونەرلىك قوعامىنىڭ جامبىل وبلىستىق فيليالى جانە «قازاقاۆتودور» جاۋاپكەرشىلىگى شەكتەۋلى سەرىكتەستىگى جامبىل وبلىستىق فيليالىنىڭ وكىلدەرىمەن بىرلەسىپ, وبلىس اۋماعىن قامتيتىن وبلىستىق (1941,93 شق) جانە رەسپۋبليكالىق (1196 شق) ماڭىزى بار اۆتوموبيل جولدارى كەشەندى تەكسەرىلدى.
«تەكسەرۋ بارىسىندا وبلىستىق ماڭىزى بار جولداردا 639 كەمشىلىك, رەسپۋبليكالىق ماڭىزى بار جولداردا 762 كەمشىلىك – جول بەلگىلەرىنىڭ بولماۋى جانە ستاندارت تالاپتارىنا سايكەس كەلمەۋى, اسفالتبەتون جابىنىنىڭ بۇزىلۋلارى, شۇڭقىرلىقتار انىقتالدى. كۇزگى كەشەندى تەكسەرىس قورىتىندىسى بويىنشا, جامبىل وبلىسى اكىمدىگىنىڭ جولاۋشىلار كولىگى جانە اۆتوموبيل جولدارى باسقارماسىنا انىقتالعان كەمشىلىكتەردى جويۋ بويىنشا 37 جازباشا نۇسقاما, ال «قازاۆتوجول» ۇك اق-نىڭ جامبىل وبلىستىق فيليالىنا 12 نۇسقاما بەرىلدى», دەپ مالىمدەدى جامبىل وبلىسى پد ءاپب باستىعى جايداربەك قۇتتىباەۆ.
وبلىستىق جانە رەسپۋبليكالىق ماڭىزى بار اۆتوموبيل جولدارىن قاناعاتتانارلىقسىز كۇتىپ-ۇستاعانى جانە جول قوزعالىسى قاۋىپسىزدىگىن قامتاماسىز ەتپەگەنى ءۇشىن اتالعان جولدارعا جاۋاپتى مەردىگەر ۇيىمداردىڭ 12 لاۋازىمدى تۇلعاسى قازاقستان رەسپۋبليكاسى اقبتك-ءنىڭ 631-بابى 1-بولىگىنە سايكەس اكىمشىلىك جاۋاپكەرشىلىككە تارتىلدى.
وسى جىلدىڭ توعىز ايىندا جالپى وبلىس بويىنشا جولداردى قاناعاتتانارلىقسىز ۇستاعانى ءۇشىن 190 لاۋازىمدى تۇلعا اكىمشىلىك جاۋاپكەرشىلىككە تارتىلدى.
قازىرگى ۋاقىتتا جول قوزعالىسىنىڭ قاۋىپسىزدىگى جانە وتكىزۋ قابىلەتىن ارتتىرۋ ماقساتىندا جەرگىلىكتى اتقارۋشى ورگاندارمەن ءارتۇرلى دەڭگەيدەگى جاياۋ جۇرگىنشىلەر وتكەلدەرىن سالۋ, قولدانىستاعى كوشەلەردى كەڭەيتۋ, توسقاۋىل قورشاۋىن ورناتا وتىرىپ, ماگيسترالدىق كوشەلەردى ءبولۋ جولاقتارىمەن جايلاستىرۋ ماسەلەلەرى پىسىقتالۋدا. جول قوزعالىسى قاۋىپسىزدىگىن قامتاماسىز ەتۋ جۇمىستارى جامبىل وبلىسى پوليتسيا دەپارتامەنتى باسشىلىعىنىڭ تۇراقتى باقىلاۋىندا.
