ونەر • 27 قازان، 2021

قولونەردى قولداۋ – قۇندىلىقتارىمىزدى ناسيحاتتاۋ

102 رەت كورسەتىلدى

«شەبەردىڭ قولى التىن» دەيدى قازاق. سوزگە دە شەبەر، ىسكە دە ۇستا حالقىمىزدىڭ زور مادەنيەتى مەن ونەرىن پاش ەتەتىن قۇندىلىقتاردىڭ ءبىرى – قولونەر. قازاق قولونەرىنىڭ وزىندىك كوپعاسىرلىق شەجىرەسى بار. ول حالىقتىڭ ومىرىمەن، تۇرمىسىمەن بىرگە دامىپ، ۇرپاقتان-ۇرپاققا بەرىلىپ، اتا-بابالارىمىزدىڭ ەرتەدەن قاستەرلەپ باعالاي بىلگەن دۇنيەسى.

قولونەردى كاسىپ ەتكەن شەبەرلەر وتىرار وڭىرىندە دە از بولماعان. ولار  تەگىس ۇستا، ارىن تەگىس ۇلى، سىزدىق ۇستا، نادايىمبەك سىزدىق ۇلى، قالداياق ۇستا، ت.ب.  بۇگىندە بۇل شەبەرلەردىڭ قولىنان شىققان بۇيىمدار كونە جادىگەر بولىپ مۋزەيدە ساقتالسا، ەسىمدەرى تاريح بەت­تەرىندە جازۋلى.

جۋىردا جەرگىلىكتى قولونەرشىلەر مەن سۋرەتشىلەردىڭ قولىنان شىققان تۋىن­­دىلارىن كوپشىلىك نازارىنا ۇسى­نىپ، وڭىر­­گە كەلەتىن تۋريستەردىڭ حالىق قول­ونەرىنە دەگەن قىزىعۋشىلىعى مەن سۇرا­نىسىن تۋدىرۋ ماقساتىندا «وتى­رار» مەم­لەكەتتىك ارحەولوگيالىق مۋزەي-قو­رى­عىنىڭ ۇيىمداستىرۋمەن قولونەر شەبەر­لەرى مەن سۋرەتشىلەر جارمەڭكەسى ءوتتى.

جەتىنشى مارتە ۇيىمداستىرىلعان ءداس­تۇرلى جارمەڭكەنى وتىرار اۋدانى اكى­مى ابدىعاني ءجۇنىسوۆ پەن وتىرار مەم­لەكەتتىك ارحەولوگيالىق قورىق-مۋ­زەيى ديرەكتورى جانگەلدى ماحاشوۆ اشىپ بە­رىپ،  التىن قولدى شەبەرلەرگە ساتتىلىك تىلەدى.

جارمەڭكەدە اعاشتان، تەمىردەن ءتۇ­يىن تۇيگەن، جۇننەن كوز جاۋىن الاتىنداي بۇيىم جاساعان، اسىل تاستاردان ءسان بۇيىمدارىن سوققان، سۇيەك پەن ءمۇ­يىزدى، ءشيدى قيىننان قيىستىرعان حالىق شەبەرلەرىنىڭ ماقتاۋعا تۇراتىن ونەر تۋىندىلارى كوپشىلىككە ۇسىنىلىپ، ەڭ­بەكتەرى باعالاندى.

ەتنوگراف، قولونەر شەبەرى، قازاقستان ديزاينەرلەر جانە سۋرەتشىلەر وداعىنىڭ مۇشەسى كەندەباي قارابدالوۆ قولونەر شەبەرلەرى مەن سۋرەتشىلەرگە ادىلقازى­­لار­دىڭ شەشىمىمەن ۇيىمداستى­رۋشى­لاردىڭ ارنايى ماراپاتتارى مەن سىي­لىقتارىن تاپسىردى.  «ەڭ ۇزدىك سۋرەتشى» نوميناتسياسى رينات تابىلحان، «ەڭ جاس سۋرەتشى» نوميناتسياسى باشار سامات يەلەنسە، «ەڭ ۇزدىك شەبەر» نوميناتسياسى امانگەلدى باقىتقا، «ەڭ جاس شەبەر» نوميناتسياسى رىسباي ەلۆيراعا بەرىلدى.

ۇزدىك تۋىندىلارىمەن ءۇش ورىن تا­عا­يىندالىپ، شەبەرلەر ماراپاتتال­دى. ءۇشىن­شى ورىندى جۇمابەك ەردىڭقۇل، ەكىن­­شى ورىندى جاننا وتە، ءبىرىنشى ورىندى انارباي قالداربەكوۆ يەلەندى.

ا

 

ءۇرزيا جۇمابايقىزى

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار