«قازاقمىس كورپوراتسياسى» جشس-نىڭ قۇيۋ-مەحانيكالىق زاۋىتىندا جۇمىس ىستەيتىن ول «جىل مەتاللۋرگى» اتالىمىندا ۇزدىك دەپ تانىلدى. نۇرجان قويشىبەكوۆ قاراعاندى مەملەكەتتىك تەحنيكالىق ۋنيۆەرسيتەتىن تامامداعان سوڭ, ەڭبەك جولىن ءوندىرىس سالاسىندا باستاعان. جەزقازعان قۇيۋ-مەحانيكالىق زاۋىتىندا 12 جىلدان بەرى بالقىتۋ شەبەرى, تەحنولوگ بولىپ ەڭبەك ەتىپ كەلەدى. بۇگىندە ول كاسىپورىننىڭ باس مەتاللۋرگى, ياعني مەتاللۋرگيالىق وندىرىستەگى تەحنولوگيالىق دايارلىق بويىنشا بارلىق ۇدەرىستەرگە جەتەكشىلىك ەتەدى. ەڭبەكتە وزات مامان وتباسىندا دا ۇلگىلى اكە, زايىبى ەكەۋىنىڭ تاربيەسىندە التى بالا بار.
ن.قويشىبەكوۆ «التىن گەفەست» سىيلىعىنىڭ وزىنە ۇلكەن جاۋاپكەرشىلىك جۇكتەيتىنىن ايتادى.
– مەن ءۇشىن ارىپتەستەرىمنىڭ سەنىمىنە كىرىپ, ءوزىمنىڭ كاسىبي مامان ەكەنىمدى دالەلدەۋ – الدىما قويعان ماقساتىمنىڭ ءبىرى بولدى. ارينە, بۇل بەلەستى باعىندىرۋعا اجەپتاۋىر ۋاقىت كەتتى, تاجىريبە مەكتەبىنەن وتۋگە تۋرا كەلدى, – دەيدى باس مەتاللۋرگ.
ەسكە سالار بولساق, تاۋ-كەن سالاسىنداعى اسا بەدەلدى «التىن گەفەست» بايقاۋى 2009 جىلدان بەرى وتكىزىلىپ كەلەدى.
قاراعاندى وبلىسى,
جەزقازعان قالاسى
