ءبىر اپتاعا سوزىلعان رەيد قورىتىندىسى بويىنشا جامبىل وبلىسى كوشى-قون قىزمەتىنىڭ قىزمەتكەرلەرى 435 شەتەلدىك ازاماتتى, ونىڭ ىشىندە تمد-نىڭ 430 جانە الىس شەت مەملەكەتتەردىڭ 5 ازاماتىن اكىمشىلىك جاۋاپكەرشىلىككە تارتتى.
«ولاردىڭ اراسىندا 231 شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ كوشى-قونى سالاسىنداعى زاڭناماسىن بۇزعاندىعى تىركەلسە, 37 شەتەلدىك ازامات سوت شەشىمىمەن قازاقستان اۋماعىنان شىعارىلدى. سونداي-اق شەتەلدىك جۇمىس كۇشىن قر زاڭناماسىن بۇزا وتىرىپ جۇمىسقا تارتقانى ءۇشىن 13 دەرەك انىقتالىپ, ىزدەۋدە جۇرگەن 3 قىلمىسكەر ۇستالدى», دەلىنگەن جامبىل وبلىسى پوليتسيا دەپارتامەنتىنىڭ حابارلاماسىندا.
پوليتسيا دەپارتامەنتى قر اۋماعىندا بولۋعا رۇقسات ەتىلگەن مەرزىم ءوتىپ كەتكەن جاعدايدا, شەتەلدىكتەر كوشى-قون قىزمەتىنە جۇگىنىپ, قۇقىقتىق مارتەبەلەرىن رەتتەۋى قاجەتتىگىن ەسكەرتەدى.
