ايماقتار • 26 قازان، 2021

اتىراۋدا كوللەدجدە وقيتىن قىزدار توبەلەستى

2785 رەت كورسەتىلدى

اتىراۋداعى بيزنەس جانە قۇقىق كوللەدجىندە وقيتىن ءۇش قىز توبەلەسىپ قالدى، دەپ حابارلايدى Egemen.kz

توبەلەس ءوزارا كەلىسە الماعان ەكى قىزدىڭ اراسىندا شىققان. كەيىن توبەلەسكە ءۇشىنشى قىز قوسىلعان. ءجاسوسپىرىم قىزداردىڭ اراسىنداعى جانجالدى كوللەدجدىڭ وقىتۋشىلارى مەن ستۋدەنتتەرى توقتاتقان.

«ستۋدەنتتەر ساباقتان كەيىن، تۇسكى مەزگىلىندە توبەلەسكەن. ءبىز توبەلەسكە قاتىسقان ستۋدەنتتەردىڭ اتا-انالارىن شاقىرىپ، جينالىس وتكىزدىك. ءبىرىنشى كۋرس ستۋدەنتتەرىمەن دە تۇسىنىك جۇمىستارى جۇرگىزىلدى. پسيحولوگ ستۋدەنتتەرمەن جەكە اڭگىمەلەسۋ وتكىزدى»، دەيدى كوللەدج ديرەكتورىنىڭ ورىنباسارى نازەركە كوجاباەۆا.

وبلىستىق پوليتسيا دەپارتامەنتى ءباسپاسوز قىزمەتى ءمالىم ەتكەندەي، ءۇش ءجاسوسپىرىمنىڭ اتا-اناسىنا قر اكىمشىلىك قۇقىقبۇزۋشىلىق تۋرالى كودەكسىنىڭ 435-بابىمەن حاتتاما تولتىرىلعان. جيناقتالعان ءىس قۇجاتتارى اتىراۋ وبلىستىق كامەلەتكە تولماعاندار ءىسى جونىندەگى مامانداندىرىلعان اۋدانارالىق سوتقا جولداندى.

سوڭعى جاڭالىقتار

ۇقساس جاڭالىقتار