ەلوردا • 26 قازان، 2021

ەلوردا جاستارىنا جالعا بەرىلەتىن باسپانا باعدارلاماسى باستالادى

60 رەت كورسەتىلدى

بيىل ەلوردادا 29 جاسقا دەيىنگى جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي الۋعا وتىنىمدەر قاراشا ايىندا باستالادى، دەپ حابارلايدى Egemen.kz.

قۇجاتتاردى تاپسىرۋ مەرزىمى جانە قۇجاتتار قابىلداناتىن پورتال تۋرالى اقپارات نۇر-سۇلتان قالاسىنىڭ تۇرعىن ءۇي قورىنىڭ ينتەرنەت-رەسۋرستارىندا الدىن الا جاريالانادى.

«باعدارلاما اياسىندا تۇرعىن ءۇي تەك جۇمىس ىستەيتىن جاستارعا 5 جىلعا بەرىلەدى، وسى مەرزىم اياقتالعاننان كەيىن پاتەردى بوساتۋ قاجەت بولادى. سوندىقتان، ءوتىنىش بەرۋشى ىرىكتەۋدەن ءوتىپ، جالعا بەرىلەتىن ۇيگە يە بولسا، بەس جىل ىشىندە ءوز باسپاناسىنا باستاپقى جارنا سوماسىن جيناۋى كەرەك.

تۇرعىن ءۇيدىڭ اي سايىنعى جالداۋ اقىسى – 5-15 000 تەڭگە. بۇل – جۇمىس ىستەيتىن جاستاردىڭ ءوز باسپاناسىنا اقشا جيناۋى ءۇشىن مەملەكەت تاراپىنان كورسەتىلەتىن قولداۋ»، دەلىنگەن اكىمدىك حابارلاماسىندا.

باعدارلاماعا قاتىسۋ شارتتارى:

  • 29 جاسقا تولماعان قر ازاماتى;
  • اياقتالعان ورتا/ارنايى ورتا/جوعارى/جوعارى وقۋ ورنىنان كەيىنگى ءبىلىم جانە رەسمي جۇمىسقا ورنالاستىرۋ;
  • نۇر-سۇلتان قالاسىندا سوڭعى 2 جىلدان كەم ەمەس تۇراقتى ۇزدىكسىز تىركەۋدە بولۋ;
  • ءوتىنىش بەرۋشىدە جانە وتباسىنىڭ بارلىق مۇشەسىندە قر بويىنشا مەنشىك قۇقىعىندا، سونداي-اق 2 جىل ىشىندە ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ بولماۋى;
  • تولەم قابىلەتتىلىگىن راستاۋ (اي سايىنعى تابىس مينيمۋم 116 680 تەڭگە/سوڭعى 6 ايدا 40 اەك).

ءبىرىنشى كەزەكتە ەتسق كىلتىن الۋ قاجەت، ال ءتىزىم بويىنشا انىقتامالاردىڭ بارلىعى جاڭا بولۋى جانە ءوتىنىم بەرگەن كەزدە الىنۋى كەرەك. قاجەتتى قۇجاتتار ءتىزىمىن www.zhilfond.kz.سايتىنان بىلۋگە بولادى.

قۇجاتتاردى تاپسىرعان ازاماتتار اراسىندا ىرىكتەۋ بالدىق جۇيە بويىنشا جۇرگىزىلەدى:

  • وتباسىنىڭ بولۋى ءۇشىن – 5 بالل، نەكەنىڭ ءار جىلى ءۇشىن – 2 بالل;
  • بالانىڭ بولۋى ءۇشىن – 1 بالل، كەلەسى ءاربىر بالا ءۇشىن – 2 بالل;
  • بيۋدجەتتىك ۇيىمدارداعى (مەملەكەتتىك مەكەمەلەر مەن مەملەكەتتىك كاسىپورىندارداعى) ەڭبەك قىزمەتى ءۇشىن – 5 بالل، ەڭبەك ءوتىلىنىڭ ءار جىلى ءۇشىن – 1 بالل;
  • نارىق سۇرانىسىنا يە 100 ماماندىق تىزىمىنە سايكەس ماماندىقتى يگەرگەن ءوتىنىش بەرۋشىگە - 10 بالل ء(تىزىم سايتتا جاريالانعان zhilfond.kz);
  • جەكە كاسىپكەرلىك قىزمەتتى جۇزەگە اسىرۋ كەزىندە كەمىندە 1 جىل – 5 بالل، ءاربىر جىل ءۇشىن – 1 بالل;
  • ءوتىنىش بەرۋشىنىڭ ءارتۇرلى قىزمەت سالالارىندا جەكە جەتىستىكتەرى بولعان كەزدە (كاسىبي سالاداعى جەتىستىكتەرى ەسكەرىلەدى) – 2 بالل;
  • ەكىنشى دەڭگەيدەگى بانكتەردەگى جيناق شوتتارىنداعى جيناقتاردى ءۇشىن – 2 بالل. قوسىمشا اقپاراتتى iKomek-ءتىڭ 109 ء(موبيلدى تەلەفوندار ءۇشىن)، سونداي-اق +7-700-725-17-32 نومىرىنە قوڭىراۋ شالۋ ارقىلى الۋعا بولادى – «نۇر-سۇلتان قالاسىنىڭ جاستار ساياساتى باسقارماسى» مم.

 

سوڭعى جاڭالىقتار

ۇقساس جاڭالىقتار