قوعام • 26 قازان، 2021

جىل سوڭىنا دەيىن ميلليوننان استام ادام جۇمىسپەن قامتىلادى

44 رەت كورسەتىلدى

قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ 1 ملن-نان استام ادام جۇمىسپەن قامتىلاتىنىن ايتتى، دەپ حابارلايدى Egemen.kz.

«بيىل 1،2 ملن ادامدى جۇمىسپەن قامتاماسىز ەتۋ جوسپارلانعان، ونىڭ ىشىندە «ەڭبەك» مەملەكەتتىك باعدارلاماسى اياسىندا 700 مىڭ ادام، جۇمىسپەن قامتۋدىڭ جول كارتاسى اياسىندا 2 مىڭ ادام، مەملەكەتتىك باعدارلامالار اياسىندا تاعى 440 مىڭ جاڭا جۇمىس ورنىن قۇرۋ قاراستىرىلعان. قازىرگى ۋاقىتتا ءۇش باعىت بويىنشا قولداۋ شارالارىمەن 1 ملن-عا جۋىق ادام قامتىلدى»، دەدى سەرىك شاپكەنوۆ ۇكىمەت وتىرىسىندا.

بۇعان دەيىن مينيستر ەلدەگى جۇمىسسىزدىق دەڭگەيىنىڭ تومەندەگەنىن مالىمدەدى.

«پاندەميا باستالعاننان بەرى جۇمىسپەن قامتىلعاندار سانى 12،2%-دان 7،4%-عا دەيىن ازايدى. ەڭ باستىسى، جۇمىسسىزدىق دەڭگەيى 4،9% كولەمىندە ساقتالدى، ال جاستار اراسىنداعى جۇمىسسىزدىق دەڭگەيى وتكەن جىلمەن سالىستىرعاندا تومەندەپ، 3،7%-دى قۇرادى»، دەپ حابارلادى ەڭبەك مينيسترلىگىنىڭ باسشىسى.

سوڭعى جاڭالىقتار

ۇقساس جاڭالىقتار