ەلباسى • 26 قازان، 2021

«ەلباسى جولى» شامالعاننان باستالدى

70 رەت كورسەتىلدى

قازاقستاننىڭ تۇڭعىش پرەزيدەنتى – ەلباسى ن.نازارباەۆتىڭ شىعارماشىلىق جانە ساياسي جولىن كەڭىنەن ناسيحاتتاۋ، ومىرىنەن سىر شەرتەتىن ماڭىزدى ورىنداردى ارالاۋ، «ەل ءۇمىتى» باستاماسى اياسىنداعى جوبا قاتىسۋشىلارىمەن باس قوسۋ ماقساتىندا ۇيىمداستىرىلعان «ەلباسى جولى» ەكسپەديتسياسى 25-31 قازان ارالىعىندا شامالعان اۋىلىنا، قاسكەلەڭ مەن الماتى قالاسىنا، ودان ءارى تۇركىستان قالاسىنىڭ كورىكتى جەرلەرىن ارالاپ بولعان سوڭ، تەمىرتاۋ مەن نۇر-سۇلتان قالاسىنا قاراي بەت الادى.

بۇل يگى شارا «ەلباسى اكادەمياسى» كق ۇيىمداستىرۋىمەن قولعا الىنىپ وتىر. اتالعان جو­باعا تۇڭعىش پرەزيدەنتتىڭ «ەل ءۇمىتى» باستاماسى اياسىندا جۇ­زە­گە اسىپ جاتقان جوبالاردىڭ ۇز­دىك، بەلسەندى قاتىسۋشىلارى ارا­سىندا جۇرگىزىلگەن ىرىكتەۋدەن وت­كەن جالىندى 10 جاس قاتىسۋدا. ولار ءىس-شارا اياسىندا وڭىرلەردەگى «ەل ءۇمىتى» باستاماسىنىڭ 45 شاق­تى جوبا قاتىسۋشىسىمەن باس قوساتىن بولادى.

ەكسپەديتسيا كەمەل ويلى ەل­با­سىنىڭ كىندىك قانى تامعان ال­ماتى وبلىسى، قاسكەلەڭ اۋدا­نى، شامالعان اۋىلىنان باستاۋ الادى. قاتىسۋشىلار بالا كۇنىن­دە ۇشقىش بولۋدى ارمان­داعان ەل­باسىنىڭ سۇڭعىلا سايا­سات­كەرگە اينالعانىنان حاباردار بولىپ، بالالىق شاعى وتكەن مەكەن­دى ارالايدى. ەكسپە­ديتسيا مۇشە­لەرى ۇشقوڭىر تاۋى­نىڭ ەتەگىن­دەگى نۇرسۇلتان نازار­باەۆتىڭ «اتامەكەن» تاريحي-مادەني ورتا­لى­عىنا بارادى. وندا ەلباسىنىڭ ءومىرى تۋرالى عانا ەمەس، تاۋەلسىز قازاقستاننىڭ تاريحى مەن نۇر-سۇلتان قالاسى تۋرالى باي ماتە­ريالدار قامتىلعان. ەلباسىنىڭ مەكتەپ قابىرعاسىنداعى ساتتەرى مەن قىزمەتى جونىندە قۇندى مالىمەتتەر بار.

جوبا قاتىسۋشىلارى قاسكەلەڭ قالاسىنداعى 63 جىل بۇرىن ەلباسى قانات قاققان اباي اتىنداعى ورتا مەكتەپ-گيمنازياسىنا بارىپ، «ەل ءۇمىتى» باستاماسى اياسىندا جۇزەگە اسىرىلىپ جاتقان Birge Oqý ونلاين مەكتەبىنىڭ وقۋشىلارىمەن كەزدەسەدى. Birge Oqý ونلاين مەك­تەبىندە «مىڭ بالا» ۇلتتىق زيات­كەرلىك وليمپياداسىنىڭ فينا­ليستەرى مەن جەڭىمپازدارى وقىپ جاتىر (جوبا «ەل ءۇمىتى» باستاماسى اياسىندا جۇزەگە اسىرىلادى). ونلاين مەكتەپتە بالالار سا­پالى تسيفرلى ءبىلىم بەرۋ رەسۋرس­تارىنا كىرىپ، نازارباەۆ زيات­كەر­لىك مەكتەپتەرىنىڭ، رەس­پۋب­لي­كالىق فيزيكا-ماتەماتيكا مەك­تەبىنىڭ جانە ەلوردالىق ليتسەي­­لەردىڭ 104 جوعارى بىلىكتى ۇستا­زى، 33 تالىمگەر، 10 ادىسكەردەن ءبىلىم الۋدا. «مىڭ بالا» جانە Bir­ge Oqý جوبالارى اۋىل مەن قالا مەكتەپتەرى اراسىنداعى ءبىلىم بەرۋ ايىرماشىلىعىن ازايتۋعا ىقپال ەتەدى. قازىر ونلاين مەكتەپتە رەس­پۋبليكانىڭ 14 وبلىسىنان 3 مىڭ­نان استام وقۋشى، ونىڭ ىشىندە الماتى وبلىسىنان 304 وقۋشى تەگىن قوسىمشا ءبىلىم الىپ جاتىر. اۋىل مەكتەبىندە وقىعان بالالاردى قولداپ، ءارى قاراي دامىتۋ ءۇشىن «مىڭ بالا» وليمپياداسى ەكىنشى جىل قاتارىنان وتكىزىلدى.

بيىل الماتى وبلىسى بو­يىنشا وليمپياداعا 5-6-سىنىپتا وقيتىن 29 342 وقۋشى قاتىستى. جۇلدەلى ورىندارعا 200 وقۋشى يە بولدى. دارىندى بالالارعا ار­نالعان مامانداندىرىلعان مەكتەپ­تەرگە 6-سىنىپ وقۋشىلارىنان 44 جەڭىمپاز قابىلداندى. اتاپ ايتار بولساق، الماتى قالا­سىن­داعى رەس­پۋبليكالىق فيزيكا-ماتە­ما­تيكا مەكتەبى، ء«بىلىم-يننو­­ۆاتسيا» ليتسەيى، «دارىن» مامان­­دان­دىرىلعان مەكتەپتەرى. جوبا قاتى­سۋشىلارى ءارى قاراي الما­تى قالاسىنا بارىپ، رەسپۋب­ليكا­لىق فيزيكا-ماتەماتيكا مەك­تە­بى­نىڭ ءمان-جايىمەن تانىسادى. بۇل مەكتەپتە «مىڭ بالا» وليم­پيا­داسىنىڭ 35 جەڭىمپازى ءبىلىمىن جەتىلدىرىپ جاتىر. كەلەسى كەزەكتە نۇرسۇلتان نازارباەۆ قورىن­دا حالىقارالىق وليمپيادادا توپ جارعان «ەل ماقتانىشى» سىي­لىعىنىڭ يەگەرلەرى باس قوسىپ، عىلىمعا ەنگىزگەن جاڭالىقتار مەن ءتۇرلى يدەيالار توڭىرەگىندە پىكىر الماسادى. ءارى قاراي ەكسپەديتسيا قاتىسۋشىلارى تۇركىستان مەن شىمكەنت قالالارىنا بەت الادى.

 

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار