الەم • 25 قازان، 2021

اۋعانستان حالقىنىڭ جارتىسىنان كوبىنە اشارشىلىق قاۋپى ءتونىپ تۇر - بۇۇ

اۋعانستان حالقىنىڭ جارتىسىنان كوبى، 22،8 ميلليون ادام قاراشادان باستاپ ازىق-ت ۇلىك تاپشىلىعىنا تاپ بولادى، دەپ حابارلايدى Egemen.kz.

گاۋھار قاپاش

بۇل تۋرالى ريا نوۆوستي ءمالىم ەتتى.

بۇل تۋرالى بىرىككەن ۇلتتار ۇيىمىنىڭ ازىق-ت ۇلىك جانە اۋىلشارۋاشىلىق ۇيىمى (فاو) مەن دۇنيەجۇزىلىك ازىق-ت ۇلىك باعدارلاماسى زەرتتەۋلەرىندە ايتىلعان.

ازىق-ت ۇلىك قاۋىپسىزدىگىنىڭ جاڭارتىلعان بىرىكتىرىلگەن كلاسسيفيكاتسياسىنا (IPC نەمەسە ICF) سايكەس، اۋعانستاننىڭ ءاربىر ەكىنشى تۇرعىنى 2022 جىلدىڭ قاراشاسى مەن ناۋرىزى ارالىعىندا قاۋىپتىڭ 3-ءشى جانە 4-ءشى (سوڭعىدان كەيىنگى) ساتىسىندا بولۋى مۇمكىن. ۇيىمدار مۇنداي جاعدايدا قورەكتىك زاتتاردىڭ نەگىزگى قاجەتتىلىكتەرىن قاناعاتتاندىرۋ جانە تىرشىلىكتى قامتاماسىز ەتۋ ءۇشىن شۇعىل گۋمانيتارلىق كومەك قاجەت ەكەنىن ايتتى.

باياندامادا اۋعان حالقى قىستاعى ايازدا گۋمانيتارلىق كومەككە تاۋەلدى بولعاندا كومەك كورسەتىلەتىنى ايتىلعان.

قۇرعاقشىلىق، اسكەري قاقتىعىستار، COVID-19 پاندەمياسى مەن ەكونوميكالىق داعدارىستىڭ جيىنتىعىنان اۋعان حالقىنىڭ ءومىر ءسۇرۋى قيىنداي ءتۇستى.

قىركۇيەك پەن قازان ايىنداعى مالىمەت بويىنشا، حالىقتىڭ 18،8 ميلليونى ازىق-ت ۇلىك تاپشىلىعىنا تاپ بولدى. IPC كلاسسيفيكاتسياسى بويىنشا اۋعانستاندا داعدارىس، توتەنشە جانە اپاتتى فازالار كەزەڭى ءوتىپ جاتىر.

حالىقارالىق ۇيىمدار اۋعانستانعا كومەكتى ۇلعايتۋدى سۇراپ وتىر. دۇنيەجۇزىلىك ازىق-ت ۇلىك باعدارلاماسىنا ەلدىڭ 23 ميلليونعا جۋىق حالقىنا تۇراقتى كومەك كورسەتۋ ءۇشىن ايىنا 220 ميلليون دوللار قاجەت ەكەنى ايتىلادى. فاو-نىڭ شۇعىل قاجەتتىلىكتەرى 11،4 ميلليون دوللاردى قۇرايدى، ال كەلەسى جىلى ەگىس ماۋسىمىنىڭ باستالۋىنا تاعى 200 ميلليون دوللار قاجەت.

«ايازدا ەلدىڭ كوپ بولىگىندە ميلليونداعان ادام اشتان قىرىلىپ قالماس ءۇشىن گۋمانيتارلىق كومەكتى تەزدەتۋ كەرەك. بۇل ءومىر مەن ءولىم ماسەلەسى»، دەدى فاو باس ديرەكتورى كۋ دونگيۋ.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز