تاريحي ميسسيا زاڭداردا كورىنىس تابادى

كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتانىڭ كەزەكتى پلەنارلىق وتىرىسى بولىپ,  وندا  13  ماسەلە تالقىعا ءتۇستى. كۇن تارتىبىنە سونداي-اق ءبىر توپ دەپۋتات باستاماشى بولعان قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ەرەكشە تاريحي ميسسياسىنا وراي ازىرلەنگەن ەكى زاڭ جوباسى ەنگىزىلدى. بۇل زاڭدىق قۇجاتتار “قازاق­ستان رەسپۋبليكاسىنىڭ كەيبىر كونس­تيتۋتسيالىق زاڭدارىنا قازاق­ستان رەسپۋبليكاسى تۇڭعىش پرە­زيدەنتىنىڭ – ەلباسىنىڭ قىزمەتىن قامتاماسىز ەتۋ سالاسىنداعى زاڭ­نا­مانى جەتىلدىرۋ ماسەلەلەرى بوي­ىن­شا وزگەرىستەر مەن تولىقتىرۋلار ەن­گىزۋ تۋرالى” كونستيتۋتسيالىق زاڭنىڭ جوباسى جانە “قازاقستان رەسپۋبليكاسىنىڭ كەيبىر زاڭناما­لىق اكتىلەرىنە قازاقستان رەس­پۋب­ليكاسى تۇڭعىش پرەزيدەنتىنىڭ – ەلباسىنىڭ قىزمەتىن قامتاماسىز ەتۋ سالاسىنداعى زاڭنامانى جەتىل­دىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى دەپ اتالادى. ولار بوي­ىنشا دەپۋتاتتار روزاقۇل حال­مۇ­رادوۆ, سۆەتلانا فەرحو جانە ءام­زە­بەك جولشىبەكوۆ ارنايى ءمالىم­دە­مە جاساپ, بۇقارالىق اقپارات قۇ­رال­دارى وكىلدەرىنە ارناپ, ءباسپاسوز ءماسليحاتىن وتكىزدى (ر.حالمۇرا­دوۆ­تىڭ ءسوزى مەن ءباسپاسوز ءماسليحاتى جايلى ەسەپ بولەك بەرىلىپ وتىر). تۇتاستاي العاندا, قازاقستان رەس­پۋبليكاسى دامۋىنىڭ تۇراقتى­لى­عىن قامتاماسىز ەتۋ ماقساتىندا قازاقستان رەسپۋبليكاسىنىڭ تۇڭ­عىش پرەزيدەنتى – ەلباسى ءمار­تە­بەسىن زاڭ دەڭگەيىندە بەكىتۋ قاجەت دەپ سانايمىز, دەيدى جوبا اۆتور­لارى. وسى ورايدا سۆەتلانا فەرحو بىلاي دەيدى: “وداقتىڭ ىدىراۋى الدىندا بۇرىنعى كەڭەستىك رەس­پۋب­ليكالار ىشىندە ەلىمىز تۇرعىن­دار­دىڭ ءومىر ءسۇرۋ دەڭگەيى جونىنەن ەڭ سوڭعى پوزيتسيالاردىڭ ءبىرىن يەم­دەن­سە, بۇگىندە الەۋمەتتىك جانە ەكو­نوميكالىق كورسەتكىشتەر بويىنشا سەنىمدى تۇردە الدا كەلەدى”.  وسى رەتتە دەپۋتات تۇڭعىش پرەزيدەنتتىڭ مارتەبەسى  كونستيتۋتسيا مەن كونس­تي­تۋتسيالىق زاڭداردا ايقىندالعان­دى­عىن ايتا كەلىپ, پرەزيدەنتتىڭ جەتىستىكتەرى ۇلت كوش­باسشىسى دەپ اتاۋعا قۇقىق بەرە­تى­نىن جەتكىزدى. حالىقارالىق ىستەر, قور­عانىس جانە قاۋىپسىزدىك كومي­تە­تىنىڭ توراعاسى امزەبەك جولشى­بە­كوۆ پرەزيدەنت نۇرسۇلتان نازار­باەۆ سىرتقى جانە ىشكى ساياساتتا كورىنىس تاپقان قازاقستاننىڭ ءبىرىزدى  دامۋى باعىتىن ساقتاۋدىڭ جانە تۇراقتىلىعىنىڭ كەپىلى بو­لىپ تابىلادى, دەگەن ويىن ورتاعا سالدى. دەپۋتاتتىڭ ايتۋىنشا, زاڭ­دىق قۇجات مەملەكەتتىڭ سىرتقى جانە ىشكى ساياساتىنداعى نەگىزگى باعىتتارى جونىندەگى باستامالاردى ازىرلەۋدە ۇلت كوشباسشىسىمەن – قازاقستان رەسپۋبليكاسىنىڭ تۇڭعىش پرەزيدەنتىمەن كەلىسۋ قاجەتتىگىن كوزدەيدى. وسىلايشا قازاقستان رەسپۋب­لي­كاسىنىڭ تۇڭعىش پرەزيدەنتى – ەلباسىنىڭ ەرەكشە تاريحي ميسسيا­سى­نا وراي ونىڭ كونستيتۋتسيالىق وكىلەتتىكتەرىن ناقتى رەگلامەنت­تەۋ­دى, سونداي-اق ونىڭ قىزمەتىن قام­تا­ماسىز ەتۋدىڭ كەپىلدىكتەرىن كوزدەيتىن ەكى زاڭ جوباسى بويىنشا قورىتىندى ازىرلەۋ مەرزىمى 25 ماۋسىمعا دەيىن دەپ شەشىلدى. ال پلەنارلىق وتىرىستا كۇن تارتىبىنە شىعارىلعان وزگە بارلىق ماسەلەلەر بويىنشا ءتيىستى شەشىمدەر قابىلداندى. اسقار تۇراپباي ۇلى.