قوعام • 25 قازان، 2021

شەتەل ازاماتتارى ءۇشىن ۆيزا الۋ جەڭىلدەدى

61 رەت كورسەتىلدى

ەندىگى ۋاقىتتا شەتەل ازاماتتارى قازاقستاندا ۋاقىتشا تۇرۋعا رۇقسات الۋ جانە ۆيزا ازىرلەۋدى ەلىمىزدىڭ كەز كەلگەن حالىققا قىزمەت كورسەتۋ ورتالىعىنان الا الادى. اتالعان قىزمەت جىل سوڭىنا دەيىن بارلىق حقو-دا قولجەتىمدى بولماق. بۇل تۋرالى قر ىشكى ىستەر ءمينيسترىنىڭ ورىنباسارى ساكەن سارسەنوۆ ءمالىم ەتتى، دەپ حابارلايدى Egemen.kz.

«ەلىمىزگە جىلىنا شامامەن 1،5 ميلليون شەتەل ازاماتى كەلەدى. وسى ورايدا، وتكەن جىلدىڭ 1 قاڭتارىنان باستاپ ءبىز ولارعا كوشى-قون پوليتسياسىندا ۋاقىتشا تىركەلۋ تالابىن جويدىق. بۇل ەلىمىزگە ينۆەستيتسيا تارتۋ مەن ىشكى ءتۋريزمدى ىلگەرىلەتۋدە وڭ اسەرىن تيگىزدى. بۇگىندە شەتەلدىك قوناقتار قازاقستانعا كەلگەنى تۋرالى كوشى-قون پوليتسياسىنا «e-Qonaq» ءموبيلدى قوسىمشاسى ارقىلى حابارلاۋ مۇمكىندىگى بار»، دەدى ساكەن سارسەنوۆ وكق-دە وتكەن ءباسپاسوز ءماسليحاتىندا.

سونداي-اق ۆيتسە-مينيستر شەتەل ازاماتتارىنا بەرىلەتىن ۆيزاعا قاتىستى جاڭاشىلدىقپەن ءبولىستى.

«نۇر-سۇلتان جانە الماتى قالاسىنىڭ حالىققا قىزمەت كورسەتۋ ورتالىقتارىندا شەتەل ازاماتتارىنا ۋاقىتشا تۇرۋعا رۇقسات بەرۋ جانە ۆيزا ازىرلەۋ ءۇشىن بىرىڭعاي قىزمەت كورسەتۋ سەكتورى قۇرىلدى. جىل سوڭىنا دەيىن اتالعان قىزمەت ءتۇرىن ەلىمىز بويىنشا بارلىق حالىققا قىزمەت كورسەتۋ ورتالىقتارىندا قولجەتىمدى بولۋىن جوسپارلاپ وتىرمىز»، دەيدى ول.

 

 

سوڭعى جاڭالىقتار

ۇقساس جاڭالىقتار