وقيعا • 25 قازان، 2021

ماڭعىستاۋلىق شارۋالار تۇيەلەرىنىڭ قىرىلىپ جاتقانىن ايتتى

210 رەت كورسەتىلدى

ماڭعىستاۋ وبلىسىنا قاراستى سايىن شاپاعاتوۆ ەلدى مەكەنى ماڭىنداعى قۇس فابريكاسىنىڭ دالاعا توككەن قالدىعى مال باققان شارۋالاردىڭ نارازىلىعىن تۋدىرى، دەپ حابارلايدى Egemen.kz.

شارۋالار «مالىمىز قۇس فابريكاسىنىڭ قالدىعىن جەپ ارام قاتتى» دەپ شاعىمدانادى. ايتۋلارىنشا، فابريكادان شىققان قالدىق جايىلىم جەرىنە توگىلگەن. ال ونىڭ سىرتىندا نە قورشاۋ جوق، نە ارنايى بەلگى جوق دەيدى شارۋالار. ايماقتىق mangystaumedia.kz سايتىنىڭ مالىمەتىنە سەنسەك، قازىردىڭ وزىندە پوليگون ماڭىنان 5 تۇيەنىڭ ولەكسەسى تابىلعان.

- قۇس فابريكاسىنىڭ كەسىرىنەن حالىقتىڭ مالى وسىلاي قىرىلا بەرە مە؟ مىنا جايىلىمدا جۇرەتىن تۇيەنىڭ ەسەبى جوق. بۇلاي جالعاسا بەرسە ءبارى دە ولەدى، - دەيدى تۇپقاراعاندىق شارۋانىڭ ءبىرى الماگۇل ەسبەرگەنوۆا.

ولار وڭىردە ونسىز دا مال جەيتىن ءشوپ جوق، ەندى مالىمىز فابريكادان شىققان قالدىقتى جەپ قىرىلا ما دەپ الاڭدايدى. ماسەلەن، ايگۇل رامانوۆا شامامەن 15 ميلليون تەڭگەگە 10-نان استام تۇيەنى نەسيەگە العان. ايتۋىنشا، جايىلىمدا جۇرگەن ەكى بىردەي تۇيەسى قۇس فابريكاسىنىڭ توككەن قالدىعىن جەپ ارام ولگەن. سونىڭ كەسىرىنەن ايگۇل 2 ميلليون تەڭگەگە جۋىق شىعىن كەلدى دەپ وتىر.

- جايىلىمعا قالدىق توگۋىن قويىپ، وزدەرىنە پوليگونعا ارنالعان جەرىنە توكسىن. مال جايىلىمىنداعى ءوزى ازعانتاي شۇرايلى جەر ەدى. بارلىق شارۋانىڭ مالى وسى جەردە جايىلىپ جۇرەدى. ءبىزدىڭ جايىلىمدى جايىنا قالدىرسا دەگەن ۇسىنىسىمىز بار، - دەيدى شارۋا ايگۇل رامانوۆا.

وزگە دە شارۋالار وسى ماسەلەلەردىڭ شەشىلۋىن قالايدى.

- 29 قىركۇيەك كۇنى دالاعا توگىلگەن قالدىقتىڭ ماڭىندا ەكى تۇيەم ءولىپ قالدى. تۇيەلەر كۇندە بارىپ سول قالدىقتى جەپ ءجۇر. تۇيە قايدان نە جەرىن بىلمەي، جەمنىڭ يسىنە بارىپ قايتا-قايتا سول قالدىقتى جەيدى. قازىر فابريكا ماڭىندا توگىلگەن قالدىقتىڭ جان-جاعىن قورشاپ قويعان. بىراق ول دا مالعا كەدەرگى بولماسى انىق، - دەدى شارۋا نۇركەن ارال.

بيىل شىلدەدە اشىلعان قۇس فابريكاسى اقتاۋدان 33 شاقىرىمدا ورنالاسقان. فابريكادان شىققان قالدىقتى كاسىپورىن اۋماعى مەن 15 شاقىرىمداعى مال جايىلاتىن جەرگە توككەن. شارۋالاردىڭ شۋىنان سوڭ زاۋىت اۋماعىنداعى قالدىق شاشىلعان جەردى قورشاپ قويعان. ال جايىلىمدا اشىقتان اشىق جاتقان قالدىق ءالى قورشالماعان، قالدىق پوليگونى ەكەنىن كورسەتەتىن ارنايى بەلگى دە جوق. دەسە دە ءۇيىندىنىڭ بەتىن توپىراقپەن جاۋىپ قويعان. ال، كاسىپورىن باسشىلىعى قالدىقتار زاڭدى تۇرعىدا بەلگىلەنگەن جەرگە توگىلدى دەگەن ءۋاج ايتادى.

لد

- كاسىپورىن اۋماعىنا قالدىقتى ادەيى توكتىك. ويتكەنى، ءبىز ول جەرگە جەمىس بەرەتىن اعاش ەككەن كەزدە ەش ناتيجە شىقپادى. ماماندار جەردىڭ قۇنارى از دەگەن سوڭ وسىنداي شارا قولداندىق. پوليگون جەرى راسىمدەلىپ جاتىر. جەر قۇجاتىن العان سوڭ جوبامىزدى باستايمىز، - دەدى «اقتاۋ اگرو» جشس ديرەكتورى دانيار تۇرعىنوۆ.

قالدىق توگىلگەن جەر مۇنايلى اۋدانىنىڭ اۋماعىنا كىرەدى. اۋدان اكىمى راحات ەلتيزاروۆ تەلەفون ارقىلى 50 گەكتار جەر پوليگون ءۇشىن زاڭدى تۇردە بەرىلگەنىن حابارلادى. اكىمدىك قۇس فابريكاسىنىڭ باسشىلىعىنا قالدىق پوليگونىن قورشاۋى ءتيىس ەكەنىن ەسكەرتكەن.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار