الدانعان تۇرعىنداردىڭ سوزىنشە, جاس قىز ولارمەن WhatsApp مەسسەندجەرى ارقىلى حابارلاسىپ, «ۇتىمدى ۇسىنىس» ايتقان. ايەلدەر ونىڭ بانك كارتاسىنا 1 ملن تەڭگە جىبەرگەن. سودان كەيىن كۇدىكتىنىڭ تەلەفونى ءوشىپ, ءىزىم-عايىم جوعالعان. الدانعانىن تۇسىنگەن تۇرعىندار دەرەۋ پوليتسياعا شاعىمدانىپتى.
ءتارتىپ ساقشىلارى كۇدىكتىنى بانك كارتاسىنىڭ مالىمەتتەرى بويىنشا انىقتاپ, قولعا ءتۇسىردى. ول جەرگىلىكتى تۇرعىن – جاس قىز بولىپ شىقتى. تەرگەۋ بارىسىندا قىزدىڭ بۇدان دا باسقا الاياقتىق قىلمىستارعا قاتىسى بارى انىقتالدى. ول «اقشاڭدى بۋكمەكەرلىك ويىندار ارقىلى ەسەلەپ كوبەيتىپ بەرەمىن» دەپ, تۇرعىنداردان 50 000 – 800 000 تەڭگە ارالىعىندا الىپ وتىرعان. كەلتىرىلگەن بارلىق شىعىننىڭ كولەمى ازىرگە 8 ملن تەڭگەنى قۇرادى.
