وعان قىلقالام شەبەرىنىڭ 60-تان استام اۆتورلىق تۋىندىسى قويىلدى. مازمۇندى شارانىڭ اشىلۋىندا مادەنيەت جانە سپورت ۆيتسە-ءمينيسترى نۇرعيسا داۋەشوۆ كورمەنىڭ ماڭىزىنا توقتالىپ, سۋرەتشىنىڭ شىعارماشىلىعىنا ىزگى لەبىزىن ءبىلدىردى.
كورمەدەگى ۇلت رۋحانياتىنىڭ ءبىر-ءبىر ۋىعىنا اينالعان ءابىش كەكىلباەۆ, فاريزا وڭعارسىنوۆا, گەرولد بەلگەر, اقسەلەۋ سەيدىمبەك, ەسكەندىر حاسانعاليەۆ, ساتىبالدى نارىمبەتوۆ جانە ت.ب. ارداقتى ازاماتتاردىڭ وبرازىن سۋرەتشى سىرتقى بەينەسى ارقىلى عانا ەمەس, ولاردىڭ بولمىسىنا جان-جاقتى ءۇڭىلىپ, كوركەم دۇنيەگە اينالدىرعان.
سونداي-اق كورمە يەسىنىڭ الەمگە ايگىلى سكريپكاشى ايمان مۇساقوجاەۆا, دارىندى كارديوحيرۋرگ يۋري پيا, بوتاي مادەنيەتىن زەرتتەۋشى عالىم ۆيكتور زايبەرت, وليمپيادا چەمپيونى سەرىك ساپيەۆ بەينەلەرى دە كەلۋشىلەردىڭ قىزىعۋشىلىعىن تۋعىزدى. تاڭسىق ءماجيتوۆا وسى پورترەتتەردى سالۋدا كەيىپكەرلەرىن جاقىن تانۋ ءۇشىن, ولارمەن جۇزدەسىپ, ىشكى-جان دۇنيەسىنە تەرەڭ بويلاعان.
مادەني شارا كەزىندە ءسوز العان جازۋشى, مەملەكەتتىك سىيلىقتىڭ لاۋرەاتى الىبەك اسقاروۆ سۋرەتشى كەيىپكەرلەرى ەل مۇددەسىن بارىنەن بيىك قويعان, شىن مانىندە ۇلتجاندىلىقتىڭ وزىق ۇلگىسىن كورسەتكەن دەي كەلىپ: «تاۋەلسىز قازاقستاننىڭ تۇعىرلى تۇلعالارى – جۇرتىنىڭ جادىندا, ەلىنىڭ ەسىندە ماڭگى ساقتالادى. بۇل كورمە بۇدان بىلاي دا تۇراقتى تۇردە ءوتىپ, ەكسپوزيتسيا بۇگىنگى تانىمال تۇلعالاردىڭ پورترەتتەرىمەن تولىقتىرىلادى» دەدى.
ءىس-شارانى مادەنيەت جانە سپورت مينيسترلىگىنىڭ قولداۋىمەن «گەرالديكالىق زەرتتەۋلەر ورتالىعى» ۇيىمداستىردى.
