رەسمي مالىمەتتەرگە سايكەس قيراعان عيمارات ۇيىندىلەرىنەن تاعى التى ءمايىت تابىلعان. بەس ادام حابار-وشارسىز كەتكەن, 17 ادام ءتۇرلى جاراقات العان. ولگەندەردىڭ كوبى قيراعان ۇيلەردىڭ استىندا قالىپ كەتكەن. ۋتتارانچال شتاتىنىڭ ناينيتال قالاسىنىڭ وزىندە 28 ادام قازا تاپقان.
ءۇندىستاننىڭ تابيعات اپاتتارىنا قارسى ۇلتتىق كۇشتەر ۋتتارانچال شتاتىنىڭ سۋ باسقان ايماقتارىنداعى جۇزدەگەن ادامنىڭ قۇتقارىلعانى تۋرالى حابارلادى. ەل بيلىگى 17 قۇتقارۋ توبىن جىبەردى.
«قازىرگى تاڭدا NDRF قۇتقارۋشىلارى ۋدحام سينگح ناگار مەن نانيتال شتاتتارىندا 1300-دەن استام ادامدى ەۆاكۋاتسيالادى. سونداي-اق ولار ۋتتاراكحاندتىڭ سۋ تاسقىنىنان زارداپ شەككەن اۋداندارىنا كومەك ماتەريالدارىن تاراتىپ جاتىر», دەدى NDRF ءباسپاسوز حاتشىسى.
