قازاقستان • 24 قازان، 2021

قازاقستاندى تسيفرلاندىرۋمەن تەك قازاقستاندىقتار اينالىسادى – ب.مۋسين

76 رەت كورسەتىلدى

قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءوزىنىڭ Facebook-تاعى پاراقشاسىندا قازاقستانداعى تسيفرلاندىرۋ الەۋەتى تۋرالى جازدى، دەپ حابارلايدى Egemen.kz.

مينيستر اقپاراتتىق تەحنولوگيالار سالاسىندا بولىپ جاتقان ۇردىستەرگە بەي-جاي قارامايتىن قوعام قايراتكەرلەرىمەن كەزدەسۋ وتكىزگەنىن حابارلادى.

ء«ۇش ساعات بويى ءبىز جوبانىڭ ءمان-جايىنان باستاپ، ءىت-سالانىڭ دامۋى مەن قازاقستاننىڭ الەمدىك تسيفرلاندىرۋ بارىسىنداعى رولىنە قاتىستى ءتۇرلى ماسەلەلەردى تالقىلادىق. وسى ورايدا ەلىمىز جاھاندىق دامۋ ۇردىسىنەن قالماۋ ءۇشىن تسيفرلاندىرۋ قارقىنىن كۇشەيتۋ كەرەك دەگەن ويىمىز ءبىر جەردەن شىقتى. تسيفرلىق ترانسفورماتسيا دەگەنىمىز، بۇل – تەحنولوگيالىق جاڭاشىلدىقتار نەگىزىندە مەملەكەتتىك باسقارۋ جۇيەسىن قايتا قۇرۋ. بۇل مەمقىزمەتتەردى جاي عانا اۆتوماتتاندىرۋ ەمەس، وسى قىزمەتتەردىڭ ءمان-ماڭىزىن زەردەلەي وتىرىپ، فۋنكتسيالار مەن سەرۆيستەردى تۇگەلدەي قايتا قاراستىرۋ. ايتپەسە ءبارى دە اۆتوماتتاندىرىلعان حاوسقا اينالىپ كەتۋى مۇمكىن. ال پلاتفورما – بۇل تەك قانا تەحنيكالىق ماسەلە، ونىڭ ۇستىنە تسيفرلىق ترانسفورماتسيا جاساۋداعى ەڭ باستى جايت ەمەس. كەزدەسۋ ناتيجەسىندە ءبىز بارلىق تاراپتاردىڭ وي-پىكىرىن ەسكەرە وتىرىپ، مىناداي مامىلەگە كەلدىك»، دەپ جازدى باعدات مۋسين.

«بىرىنشىدەن، ءبىز ءونىمدى باستاپقى كودتارىمەن بىرگە الامىز. قاراپايىم تىلمەن ايتساق، ءبىز جاسالۋ جولى مەن نۇسقاۋلىعى بار كونسترۋكتور مەن قۇرالدار ساتىپ الماقپىز. ءبىز دايىن قۇرال-جابدىقتاردى پايدالانىپ، قاجەت بولسا، ونى ءارى قاراي دامىتىپ، كونسترۋكتوردى بارىنشا جەتىلدىرە الامىز. بۇل كونسترۋكتوردان نە جاساۋ كەرەكتىگىن ءبىز شەشەمىز. ەكىنشىدەن، سەرۆەرلەر قازاقستاننىڭ جەرىندە جانە قورعالعان كونتۋرلاردا ساقتالادى. بۇل دەگەنىمىز، وعان ەشكىم، اسىرەسە شەت مەملەكەتتەر ءتىپتى دە قول جەتكىزە المايدى. ياعني ءبىز ۇلتتىق اقپاراتتىق قاۋىپسىزدىك تالابىنا ساي شەتەلدىكتەردىڭ بۇل پروتسەسكە كىرىسۋىنە، سونىڭ ىشىندە تەحنيكالىق سۇيەمەلدەۋىنە جول بەرمەيتىنىمىز ايدان انىق. ۇشىنشىدەن، بۇل ىسپەن تەك قانا قازاقستان ازاماتتارى اينالىسادى. ونىڭ ۇستىنە، مەن بۇل نورمانى بارلىق قۇجاتتاردا بەكىتۋگە دايىنمىن. تورتىنشىدەن، بۇل جۇمىسقا وتاندىق ءىت-كومپانيالار تارتىلادى. كومپانيا، ياعني نارىقتاعى ءبىر-ەكى ءىرى كومپانيانىڭ مونوپولياسى بولمايدى. بەسىنشىدەن، جالپى ءىت-سالانى دامىتۋ، سونىڭ ىشىندە پلاتفورمانى جەتىلدىرۋ ءۇشىن ءبىز جوعارى بىلىكتى كادرلاردى دايىنداۋ قارقىنىن كۇشەيتۋ كەرەكپىز. التىنشىدان، ءبىز الداعى ءىس-ارەكەتتەرىمىزدى اشىق جانە جاريالى ەتۋگە ءتيىسپىز»، دەپ ناقتىلادى مينيستر.

سوڭعى جاڭالىقتار

جىل ءسوزى

الەم • كەشە

ۇقساس جاڭالىقتار