ءىس-شارا قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي ۇيىمداستىرىلعان.
سالتاناتتى اشىلۋ راسىمىنە توتەنشە جاعدايلار ءمينيسترى يۋري يلين, تجم, نۇر-سۇلتان قالاسىنىڭ, اقتوبە جانە سولتۇستىك قازاقستان وبلىستارىنىڭ تجد باسشىلىعى مەن جەكە قۇرامى, جارىسقا قاتىسۋشىلار مەن قوناقتار قاتىستى.
كۋبوك ءۇشىن تۋرنيردە نۇر-سۇلتان قالاسى, اقتوبە جانە سولتۇستىك قازاقستان وبلىستارىنىڭ تجد, سونداي-اق قر ءىىم سولتۇستىك قازاقستان وبلىسىنىڭ ارناۋلى كۇزەت قىزمەتى باسقارماسىنىڭ كوماندالارى باق سىناستى.
حوككەي قولدانىستاعى ەرەجەلەرگە سايكەس اينالمالى جۇيە بويىنشا ءوتتى, 15 مينۋتتان 3 تايم, 3 مينۋتتىق ءۇزىلىس. ءار كوماندانىڭ قۇرامىندا 12 ويىنشى بولدى.
ويىن بارىسىن ەلوردالىق گارنيزون قۇتقارۋشىلارىنىڭ كاسىبي دايىندىق بولىمشەسى, قر تج مينيسترلىگى قىزمەتكەرلەرىنەن قۇرالعان تورەشىلەر القاسى باقىلادى.
ويىن قورىتىندىسى بويىنشا ءبىرىنشى ورىندى سولتۇستىك قازاقستان وبلىسى تجد كومانداسى يەلەندى. ەكىنشى ورىن قر ءىىم سولتۇستىك قازاقستان وبلىسىنىڭ ارناۋلى كۇزەت قىزمەتى باسقارماسىنىڭ كومانداسىنا بەرىلدى. نۇر-سۇلتان قالاسى تجد كومانداسى ءۇشىنشى ورىندى جانە اقتوبە قالاسى تجد كومانداسى ءتورتىنشى ورىندى يەلەندى.
كوماندالار ديپلومدارمەن, مەدالدارمەن جانە ەستەلىك سىيلىقتارمەن ماراپاتتالدى. تۋرنير چەمپيوندارىنا اۋىسپالى كۋبوك پەن ءبىرىنشى دارەجەلى ديپلوم تابىس ەتىلدى.
