ايماقتار • 23 قازان، 2021

پوليتسيا قىزمەتكەرلەرىنىڭ كابينەتىنە بەينەكامەرا ورناتىلادى

61 رەت كورسەتىلدى

1 جەلتوقسانعا دەيىن اقتوبەدەگى پوليتسيا قىزمەتكەرلەرىنىڭ كابينەتىنە بەينەكامەرالار ورناتىلادى، دەپ حابارلايدى Egemen.kz.

ىشكى ىستەر ءمينيسترىنىڭ ورىنباسارى ساكەن سارسەنوۆ اقتوبەدە پرەزيدەنتتىڭ قاۋىپسىزدىكتى قامتاماسىز ەتۋ سالاسىنداعى تسيفرلاندىرۋ جونىندەگى تاپسىرمالارىنىڭ ىسكە اسىرىلۋىن باقىلادى.

جۇمىس ساپارى اياسىندا قر ءىىم ورىنباسارى ساكەن سارسەنوۆ وبلىستىق ءبىلىم بەرۋ ۇيىمدارى ورتالىعىندا بەينەباقىلاۋ جۇيەسىنىڭ ەنگىزىلۋىمەن تانىستى.

س.سارسەنوۆ جاپپاي بەينەباقىلاۋ جۇيەسىن ەنگىزۋ بارىسىن، پوليتسيا قىزمەتكەرلەرىنىڭ كومەگىمەن جەدەل باسقارۋ ورتالىعىن جاڭعىرتۋدى، «ازاماتتاردىڭ حابارلامالارىن بىرجاقتى قابىلداۋ» جوباسىن ىسكە اسىرۋدى، پوليتسيا ناريادتارىنىڭ گەودەرەكتەرىن GPS ترەكەرلەرىنەن ەلەكتروندىق كارتاعا اۋىستىرۋدى زەرتتەپ، كولىك اعىنىن باقىلاۋ جۇيەسىمەن تانىستى.

ساپار بارىسىندا ىشكى ىستەر ءمينيسترىنىڭ ورىنباسارى اقتوبە وبلىسىنىڭ اكىمىمەن كەزدەستى. كەزدەسۋدە مەملەكەت باسشىسىنىڭ قىلمىستىق ىستەردى تەرگەپ-تەكسەرۋدى ەلەكتروندىق فورماتقا كوشىرۋ، سونداي-اق حالىقپەن ءوزارا ءىس-قيمىل جاسايتىن تەرگەۋشىلەردىڭ، جەدەل ۋاكىلدەردىڭ جانە ىشكى ىستەر ورگاندارىنىڭ باسقا دا قىزمەتكەرلەرىنىڭ كابينەتتەرىندە بەينەباقىلاۋ كامەرالارىن ورناتۋ جونىندەگى تاپسىرمالارىنىڭ وڭىردە ىسكە اسىرىلۋ بارىسى تالقىلاندى.

«اكىمدىك تاراپىنان قاجەتتى ماتەريالدىق قولداۋ كورسەتىلدى. 1-جەلتوقساننان باستاپ بارلىق كابينەتتەردە كامەرالار بولادى دەپ جوسپارلاپ وتىرمىز»، دەدى ساكەن سارسەنوۆ.

مينيستر ورىنباسارى №23 جانە №64 جالپى ءبىلىم بەرەتىن مەكتەپتەردەگى قاۋىپسىزدىكتىڭ تەحنيكالىق قامتاماسىزداندىرۋ جاعدايىمەن تانىستى. «قۇلاگەر» بالاباقشاسىنا جانە اقتوبە پوليتەحنيكالىق كوللەدجىنە بارىپ، ۇيىمدارداعى شتاتتان تىس جاعدايلار كەزىندەگى ءىس-قيمىل ءتارتىبىن باعالادى.

ساپار سوڭىندا ساكەن سارسەنوۆ العا جانە حرومتاۋ اۋدانى پوليتسيا بولىمدەرىنىڭ جابدىقتالۋىمەن جانە ىشكى ىستەر ورگاندارىنىڭ قىزمەتكەرلەرى پايدالاناتىن تەحنيكالىق قۇرالدارمەن تانىستى.

سوڭعى جاڭالىقتار

ۇقساس جاڭالىقتار