ايماقتار • 23 قازان، 2021

وسكەمەندەگى بالالار ۇيىنەن ەكى بالا قاشىپ كەتتى

226 رەت كورسەتىلدى

وسكەمەندەگى بالالار ۇيىنەن ەكى بالا قاشىپ كەتتى. بۇل تۋرالى قالالىق پوليتسيا باسقارماسىنان ءمالىم ەتتى، دەپ حابارلايدى Egemen.kz.

بەلگىلى بولعانداي، 22 قازان كۇنى كەشكە قالالىق بالالار ءۇيىنىڭ قىزمەتكەرى پوليتسياعا جۇگىنگەن. ايەل مەكەمەدەن كەتىپ، قايتا ورالماعان ەكى بالانى ىزدەۋگە كومەكتەسۋىن سۇرادى.

«ايەلدىڭ ايتۋىنشا، 10 جانە 11 جاستاعى ۇلدار كەشكى ساعات 19-دا بالالار ۇيىنەن كەتىپ، جوعالىپ كەتكەن. ءوز بەتىنشە ىزدەۋلەر ناتيجە بەرمەدى»، دەدى قالالىق پوليتسيا باسقارماسىنىڭ ءباسپاسوز قىزمەتى.

قالا پوليتسەيلەرى قاشقىنداردى 10 مينۋت ىشىندە تابا الدى.

«بۇل جەردە پوليتسەيلەردىڭ كاسىبيلىگىن اتاپ وتكىم كەلەدى، ولاردىڭ جانە جەدەل باسقارۋ ورتالىعىنىڭ كامەرالارىنىڭ ارقاسىندا بالالار 10 مينۋتتان سوڭ تابىلىپ، بالالار ۇيىنە قايتارىلدى»، دەپ حابارلادى وسكەمەن پوليتسيا باسقارماسىنىڭ باسشىسى اندرەي مۋلا.

سوڭعى جاڭالىقتار

ۇقساس جاڭالىقتار