ايماقتار • 23 قازان، 2021

الماتىدا دەمالىس كۇندەرى ءورت ءجيى بولادى - تجد

121 رەت كورسەتىلدى

الماتىدا بولعان ورتتەردىڭ سەبەپتەرىن تالداۋ بارىسىندا ولاردىڭ ەڭ كوبى دەمالىس كۇندەرى بولعانى انىقتالدى، دەپ حابارلايدى Egemen.kz.

«دەمالىس جانە مەرەكە كۇندەرى جىلىتۋ قۇرالدارىن باقىلاۋ دارەجەسى تومەندەيدى. بۇعان الكوگولدى ىشىمدىكتەر دە سەبەپ بولعان جاعدايلار بار»، دەپ ءتۇسىندىردى الماتى قالالىق تجد ءباسپاسوز قىزمەتى.

تۇرعىن ءۇي سەكتورىنداعى ورتتەردىڭ ەڭ كوپ سانى كەشكى ۋاقىتتا 18:00 مەن 00:00 ارالىعىندا بولادى.  ورتتەردىڭ جالپى سانىنىڭ 31%-ى، ياعني 103 جاعداي وسى ۋاقىتتا ورىن العان.

«12:00-دەن 18:00-گە دەيىن - 94 جاعداي (28%)، 00:00-دەن 6:00-گە دەيىن - 78 جاعداي (23%). 6:00-دەن 12:00-گە دەيىن - 57 جاعداي (17%) تىركەلدى»، دەپ جازادى الماتى قالاسى تجد ءباسپاسوز قىزمەتى.

ۆەدومستۆو تۇرعىن ءۇي سەكتورىنداعى ورتتەردىڭ پايدا بولۋىنا ءورت قاۋىپسىزدىگى مەن ازاماتتاردىڭ الەۋمەتتىك جاۋاپكەرشىلىگىنىڭ تومەن مادەنيەتى ىقپال ەتەدى دەپ قوستى.

بۇدان باسقا، تۇرعىن ءۇي قورىنىڭ (پايدالانۋ مەرزىمى 50 جىلدان اساتىن جەكە تۇرعىن ۇيلەردىڭ 25%-ى)، ينجەنەرلىك جابدىقتىڭ جوعارى توزۋ دارەجەسىن ەسكەرۋ ءجون.

سوڭعى جاڭالىقتار

ۇقساس جاڭالىقتار