قار بارىسى تارالۋ اۋقىمى مەن سانى ازايا باستاعان جىرتقىش رەتىندە قازاقستاننىڭ قىزىل كىتابىنا ەنگەن.
ەكولوگيا, گەولوگيا جانە تابيعي رەسۋرستار مينيسترلىگى ەلىمىزدە 130-عا جۋىق قار بارىسى بار ەكەنىن حابارلادى.
ولار 9 ەرەكشە قورعالاتىن تابيعي اۋماقتاردا مەكەندەيدى: ىلە الاتاۋى, جوڭعار الاتاۋى, كولساي كولدەرى, كاتون قاراعاي, سايرام-وگەم, شارىن, التىن ەمەل مۇتپ, اقسۋ-جاباعىلى جانە الماتى مەملەكەتتىك تابيعي قورىقتارى.
بۇۇ دامۋ باعدارلاماسى اياسىندا «قار بارىسىن ساقتاۋ جونىندەگى ۇلتتىق ءىس-قيمىل جوسپارى» ازىرلەندى. جوسپاردىڭ ماقساتى قار بارىسىنىڭ پوپۋلياتسياسىن عىلىمي زەرتتەۋ بولىپ تابىلادى.
فوتوتۇزاق ارقىلى «التىن-ەمەل» مۇتپ اۋماعىن دا قار بىرىسى مەكەن ەتەتىنى انىقتالدى. مۇندا قار بارىسىنىڭ وتباسى مەكەندەيدى.
قار بارىسى 2700-5000 مەتر بيىكتىكتە ءومىر سۇرەدى. قۇيرىعىنىڭ ۇزىندىعى 1 مەترگە, دەنەسىنىڭ ۇزىندىعى 2,1 م جەتەتىندەرى دە كەزدەسەدى.
قار بارىسى قىتاي, موڭعوليا, ينديا, نەپال, قىرعىزستان, پاكىستان, تاجىكستان, رەسەي, اۋعانستان, بۋتان, وزبەكستان جەرلەرىندە دە كەزدەسەدى.
جەر بەتىندەگى قار بارىسىنىڭ جالپى سانى 4-6 مىڭ ارالىعىندا.
