بۇل تۋرالى «قازاقفيلم» كينوستۋدياسىنىڭ پرەزيدەنتى اقان ساتاەۆ ءتۇسىرىلىم توبىنىڭ قاتىسۋىمەن الماتىدا وتكەن ءفيلمنىڭ تۇساۋكەسەرى كەزىندە مالىمدەدى.
ايتا كەتۋ كەرەك, بۇل شاراعا مۇقاعالي ماقاتاەۆتىڭ ۇلى مەن كەلىنى – جۇلدىز جانە باقىتكۇل ماقاتاەۆتار دا قاتىستى, ولار شىعارماشىلىق ۇجىمنىڭ اتقارعان جۇمىستارى ءۇشىن العىس ءبىلدىرىپ, اقىننىڭ 90 جىلدىعىنا وراي شىعارىلعان مەرەيتويلىق مەدالداردى تابىس ەتتى. مەدالداردى العان رەجيسسەر بولات قالىمبەتوۆ پەن ستسەناري اۆتورلارىنىڭ ءبىرى جۇسىپبەك قورعاسبەك بۇل ولاردىڭ ەڭ باستى سىيلىعى ەكەنىن اتاپ ءوتتى.
«ا» ساناتىنداعى «كۇڭگىرت تۇندەر» كينوفەستيۆالى 1997 جىلدان بەرى وتكىزىلىپ كەلەدى, بۇل بالتىق جاعالاۋىنداعى ەڭ ۇلكەن فەستيۆال جانە شىعىس ەۋروپاداعى ەڭ ءىرى كينو كورسەتىلىمدەردىڭ ءبىرى. فەستيۆالدى ۇيىمداستىرۋشىلاردىڭ ايتۋىنشا, بيىل PÖFF-ءتىڭ نەگىزگى كونكۋرستىق باعدارلاماسىنا بارلىعى 19 فيلم ەنگىزىلگەن, ولاردىڭ اراسىندا قازىردىڭ وزىندە ماراپاتتالعان فيلمدەر مەن كوپتەگەن دۇنيەجۇزىلىك جانە حالىقارالىق پرەمەرالار بار.
«ءبىز فەستيۆالدىڭ 25 جىلدىق مەرەيتويىنا تاڭدالعان فيلمدەردى ماقتان تۇتامىز, ولار تاڭ قالدىرادى, ءارى وزىڭە جاڭا نارسەنى اشۋعا مۇمكىندىك بەرەدى جانە جۇرەكتىڭ تۇبىنە دەيىن بويلايدى», دەدى, PÖFF ديرەكتورى تينا لوكك.
ايتا كەتەرلىگى, فەستيۆالدىڭ باستى بايقاۋىندا قازاقستاندىق رەجيسسەر ءادىلحان ەرجانوۆتىڭ «ۇجىمدىق يممۋنيتەت» ءفيلمى دە باس جۇلدەگە تالاسادى. سونىمەن قاتار, «جاستار ءفيلمى» بايقاۋ باعدارلاماسىندا رەجيسسەر فارحات ءشارىپوۆتىڭ «18 كيلوگەرتس» ءفيلمى بار.
