21 قازاندا «رۋحاني جاڭعىرۋ» قازاقستاندىق قوعامدىق دامۋ ينستيتۋتىمەن ازىرلەنگەن ۇلتتىق باياندامانى كوپشىلىك تالقىلاۋ ۇيىمداستىرىلدى.
تالقىلاۋعا جەتەكشى وتاندىق ساراپشىلار, ۇكىمەتتىك ەمەس ۇيىمداردىڭ وكىلدەرى, بارلىق دەڭگەيدەگى قوعامدىق كەڭەستەردىڭ بەلسەندى مۇشەلەرى قاتىستى.
قوعامدىق كەڭەستەردىڭ قىزمەتى تۋرالى ۇلتتىق بايانداما قوعامدىق كەڭەستەر ينستيتۋتىنىڭ جاي-كۇيى مەن دامۋ پەرسپەكتيۆالارىن تالداۋدى قامتيتىن جىل سايىنعى ەسەپ بولىپ تابىلادى.
«بايانداما مەملەكەت پەن قوعامنىڭ ءوزارا ءىس-قيمىلىنىڭ قۇرالى رەتىندە قوعامدىق كەڭەستەردىڭ جۇمىس ناتيجەلەرى مەن نەگىزگى باعىتتارى تۋرالى حالىقتى جىل سايىن اقپاراتتاندىرۋ ماقساتىندا جاسالادى», - دەپ اتاپ ءوتتى ءوز سوزىندە اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتىنىڭ توراعاسى ماديار قوجاحمەت.
ساراپشىلاردىڭ پىكىرىنشە, بۇل زەرتتەۋ قولدانىستاعى تاسىلدەردى تالداۋعا, پروبلەمالىق ايماقتاردى انىقتاۋعا جانە قوعامدىق كەڭەستەر ينستيتۋتىن جەتىلدىرۋگە باعىتتالعان ءىس-شارالاردى قالىپتاستىرۋعا مۇمكىندىك بەرەتىن ۇسىنىستار جاساۋعا باعىتتالعان.
«ۇلتتىق بايانداما جوباسى رەسپۋبليكاداعى قوعامدىق كەڭەستەر ينستيتۋتىنىڭ قالىپتاسۋىنىڭ نەگىزگى كەزەڭدەرىن قامتيدى, رەسپۋبليكالىق جانە جەرگىلىكتى دەڭگەيدە جيناقتالعان جۇمىس تاجىريبەسىن سيپاتتايدى», دەدى «التەرناتيۆا» وزەكتى زەرتتەۋلەر ورتالىعىنىڭ ديرەكتورى ا.چەبوتارەۆ.
بايانداما جوباسىن تالقىلاۋ جونىندەگى ءىس-شارالار ودان ءارى جالعاساتىن بولادى, وندا ءاربىر ازامات ءوز ۇستانىمىن بىلدىرە الادى.
ەستەرىڭىزگە سالا كەتەيىك, قوعامدىق كەڭەستەر تۋرالى زاڭنامانىڭ جاڭا نورمالارىنا سايكەس, قوعامدىق كەڭەستەردىڭ قىزمەتى تۋرالى ۇلتتىق باياندامانى دايىنداۋ جانە مەملەكەت باسشىسىنا ەنگىزۋ العاش رەت زاڭنامالىق دەڭگەيدە بەكىتىلدى.
