كوروناۆيرۋس • 21 قازان، 2021

الماتىدا باقىلاۋ كۇشەيتىلدى

618 رەت كورسەتىلدى

الماتىدا ەۋروپا ەلدەرى مەن رەسەيدەن كەلگەندەرگە باقىلاۋ كۇشەيتىلدى. بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز ءماسليحاتىندا جانداربەك بەكشين ءمالىم ەتتى، دەپ حابارلايدى Egemen.kz.

ونىڭ ايتۋىنشا، كولىكتەگى سانيتارلىق-ەپيدەميولوگيالىق باقىلاۋ باسقارماسىنىڭ ەپيدەميولوگ ماماندارى مەن مەديتسينا قىزمەتكەرلەرى وسى ەلدەردەن الماتى حالىقارالىق اۋەجايىنا كەلگەندەردى باقىلاۋدى كۇشەيتتى. شەتەلدەن كەلگەن بارلىق جولاۋشىلار جوعارى تەمپەراتۋرانى تىركەيتىن ارنايى قۇرالمەن سكانەرلەنەدى.

«رەسەي فەدەراتسياسىنداعى جاعداي كۇردەلەنە ءتۇستى، ءبىز ەۋروپا مەن رەسەيدەن كەلگەندەردى باقىلاۋدى كۇشەيتتىك، ويتكەنى وندا قازىر اۋرۋدىڭ كۇرت وسكەنى بايقالادى. رۋمىنيادا، ۇلىبريتانيادا جانە بالتىق ەلدەرىندە انتيرەكورد تىركەلدى. حالىق قازىرگى ۋاقىتتا اينالىمداعى دەلتا شتامىنا جەتە ءمان بەرۋى كەرەك. ەگەر بۇرىن ديارەيا سياقتى كۆي سيمپتومى باسىم بولسا، بۇگىندە وعان نەيروتوكسيكالىق سيندروم قوسىلدى، بۇل - ەستە ساقتاۋ قابىلەتىنىڭ ناشارلاۋى. ناۋقاستار اۋرۋحاناعا تۇسكەن كەزدە ەسىن جوعالتادى. باس ميى زاقىمدانادى، اۋىرىپ جازىلعان ادامدى پوستكوۆيد سيندرومى مازالايدى»، دەپ ءتۇسىندىردى جانداربەك بەكشين.

سونىمەن قاتار ول قاۋىپ ايماعىندا ءالى كۇنگە دەيىن اۋرۋدى قيىنداتاتىن قارت ادامدار بار ەكەنىن ايتتى.

«ەڭ كوپ جۇقتىرعاندار - 20-39 جاستاعى ازاماتتار، ولار اپتاسىنا جۇقتىرعانداردىڭ 28%-ىن قۇرايدى، 24% - 40-59 جاستاعى تۇرعىندار، 25% - 60 جاستان اسقان ادامدار. سوڭعى اپتادا بالالار مەن جاسوسپىرىمدەر اراسىندا اۋرۋ كورسەتكىشىنىڭ 2،6% وسكەنى بايقالادى»، دەيدى الماتىنىڭ باس سانيتار دارىگەرى.

جانداربەك بەكشين ۆاكتسينالانۋدى كەيىنگە قالدىرماۋعا، ادامدار كوپ جينالاتىن ورىندارعا، تۇنگى كلۋبتارعا، مەيرامحانالارعا بارۋدى، ءۇي ءىس-شارالارىن وتكىزۋدى شەكتەۋگە شاقىردى.

«قازىر يممۋندىق قابات 54% پايىزعا جەتتى. ەگەر وسىنداي قارقىندى ساقتاپ قالاتىن بولساق، وندا ۆاكتسيناتسيا مەرزىمى جىل سوڭىنا دەيىن سوزىلىپ، 70%-عا جەتۋى مۇمكىن»، دەدى سپيكەر.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار