«مەملەكەتتىك ورگاندار, قحا مىناداي باسىمدىقتارعا نازار اۋدارۋى كەرەك: ءبىرىنشىسى – مۇمكىندىكتەر تەڭدىگى قاعيداتتارىنا نەگىزدەلگەن وڭىرلىك دامۋ», دەدى قاسىم-جومارت توقاەۆ قحا كەڭەسىنىڭ كەڭەيتىلگەن وتىرىسىندا.
پرەزيدەنتتىڭ ايتۋىنا قاراعاندا, الەمدەگى تاجىريبە ەتنوستاردىڭ وقشاۋ شوعىرلانۋى ولاردىڭ الەۋمەتتىك-مادەني وقشاۋلانۋىنا ىقپال ەتەتىنىن كورسەتكەن. بۇل ەتنيكالىق انكلاۆتاردىڭ, مادەني جانە تىلدىك كەدەرگىلەردىڭ پايدا بولۋىنا, ەتنوسارالىق شيەلەنىستىڭ وسۋىنە جانە ءتىپتى قاقتىعىستاردىڭ تۋىنداۋىنا اكەلەدى.
«سوندىقتان, الەمدەگى وسىنداي جاعىمسىز تاجىريبەنى ەسكەرە وتىرىپ, ەلىمىزدىڭ اۋىلدىق ەلدى مەكەندەرى مەن قالالارىندا تۇيىقتالعان ەتنيكالىق اۋداندار مەن قاۋىمداردىڭ پايدا بولۋىنىڭ تەرىس ءۇردىسىن ەڭسەرۋ ءۇشىن جۇيەلى شارالار ازىرلەۋ قاجەت», دەدى مەملەكەت باسشىسى.
