«ەكىنشى ماسەلە – جەرگىلىكتى اتقارۋشى ورگاندار جۇمىسىنىڭ تيىمدىلىگىن ارتتىرۋ. ءبىز بىلتىر ءار ءوڭىردىڭ ىشكى ساياسات باسقارماسىنان جەكە ءبولىم اشتىق. وسى بولىمدەرگە قولداۋ كورسەتىپ, جۇمىسىن جانداندىرا ءتۇسۋ كەرەك. وعان ءوز قۇزىرەتىنە كىرمەيتىن تاپسىرما بەرىلمەۋى قاجەت. اركىم وزىنە جۇكتەلگەن مىندەتتى اتقارۋعا ءتيىس. قوعامدىق كەلىسىم مەكەمەسىنىڭ دە قىزمەتىنە قاتىستى وسى تالاپتى ۇستانۋعا ءتيىسپىز. اتالعان ۇجىمداردا جۇمىس ىستەيتىن قىزمەتكەرلەردىڭ جالاقىسىن كوبەيتكەن ءجون», دەدى قاسىم-جومارت توقاەۆ.
مەملەكەت باسشىسى ەتنوسارالىق قاتىناس سالاسىنداعى وڭىرلىك قۇرىلىمداردى ماماندارمەن قامتاماسىز ەتۋگە دە باسا نازار اۋدارۋ كەرەكتىگىن ايتتى.
«بۇل جۇمىس ەڭ الدمەن ۇلتتىق قۇرامى ءارتۇرلى جانە بەلگىلى ءبىر ەتنوس وكىلدەرى تىعىز قونىستانعان ايماقتارعا قولعا الۋ قاجەت», دەدى قر پرەزيدەنتى.
