الەم • 21 قازان، 2021

رەسەي بيلىگى تالىپتەردى مويىنداۋ شارتىن اتادى

264 رەت كورسەتىلدى

20 قازاندا «تاليبان» قوزعالىسىنىڭ وكىلدەرى (قازاقستان مەن رەسەيدە تىيىم سالىنعان) ماسكەۋگە كەلدى، دەپ حابارلايدى Egemen.kz.

ماسكەۋدە تالىپتەر سىرتقى ىستەر ءمينيسترى سەرگەي لاۆروۆ باستاعان رەسەيلىك ديپلوماتتارمەن كەزدەسكەن. سونداي-اق، جيىنعا ءۇندىستان، يران، قازاقستان، قىرعىزستان، قىتاي، پاكىستان، تاجىكستان، تۇرىكمەنستان جانە وزبەكستان وكىلدەرى دە قاتىستى.

لاۆروۆتىڭ ايتۋىنشا، ول تالىپتەرمەن اۋعانستاندا جاڭا ۇكىمەت قۇرۋ ماسەلەسىن تالقىلاعان.

«ولاردىڭ اسكەري-ساياسي احۋالدى تۇراقتاندىرۋعا، مەملەكەتتىك اپپارات قىزمەتىن جاقسارتۋعا باعىتتالعان كۇش-جىگەرىن ەسكەرۋ كەرەك»، دەپ مينيستر اۋعانستانداعى بيلىكتىڭ اۋىسۋىنا فاكت رەتىندە قاراۋ كەرەك ەكەنىن باسا ايتتى.

سىرتقى ىستەر ءمينيسترى «تاليبان» وكىلدەرىمەن كەزدەسۋ كەزىندە ەل اۋماعى باسقا مەملەكەتكە قارسى قولدانىلمايتىنى تۋرالى ۋادەسىن ورىنداۋعا شاقىرعانىن قوستى.

بۇل رەتتە رەسەي پرەزيدەنتىنىڭ اۋعانستان بويىنشا ارنايى وكىلى زامير كابۋلوۆ كابۋلدىڭ جاڭا باسشىلىعىن ادام قۇقىقتارىن قۇرمەتتەۋگە شاقىردى. ول وسى جاعدايدا عانا تالىپتەردىڭ حالىقارالىق قوعامداستىق تاراپىنان تانىلۋىنا مۇمكىندىك الاتىنىن ايتتى.

«ارنايى وكىلدىڭ ايتۋىنشا، تالىپتەر مەملەكەتتىك باسقارۋ جۇيەسىن جانە ادام قۇقىقتارىنىڭ جاعدايىن جاقسارتۋعا تىرىساتىنىنا سەندىردى. سونىمەن قاتار ول الەمدىك قاۋىمداستىقتى اۋعان حالقىنا كومەك كورسەتۋ ءۇشىن كۇش بىرىكتىرۋگە شاقىردى. اۋعانستانداعى جاڭا ۇكىمەت بارىنە بىردەي ۇنامايدى، بىراق ەگەر ۇكىمەتتى جازالاساق، وندا بارلىق حالىقتى جازالاعانىمىز»، دەپ ءتۇسىندىردى كابۋلوۆ.

ماسكەۋ كونفەرەنتسياسىنىڭ قورىتىندىسى بويىنشا وعان قاتىسۋشىلار «تاليبان» قوزعالىسىن رەسمي تۇردە مويىنداۋعا قاراماستان، اۋعانستانمەن پراكتيكالىق ىنتىماقتاستىق ورناتۋدى جاقتادى. ولار «تاليباندى» مەملەكەتتىك باسقارۋ جۇيەسىن جەتىلدىرۋ ءۇشىن قوسىمشا شارالار قابىلداۋعا جانە ەلدىڭ بارلىق نەگىزگى ەتنوساياسي مۇددەسىن كورسەتەتىن ينكليۋزيۆ ۇكىمەت قۇرۋعا شاقىردى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار