شقو پوليتسيا دەپارتامەنتى ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرىنە ريددەر قالاسى تۇرعىنىنىڭ ەسىرتكى ساقتاعانى تۋرالى حابار كەلىپ ءتۇستى. جەدەل ۋاكىلدەر اقپاراتتى تەكسەرۋگە كىرىستى.
ءتىنتۋ جۇرگىزۋ بارىسىندا 73 جاستاعى زەينەتكەرگە تيەسىلى دۇكەننەن كەپتىرىلگەن كوكنار ساباعى تابىلدى. ساراپتاما قورىتىندىسىنا سايكەس, ەسىرتكىنىڭ جالپى سالماعى 30 گرامنان اسادى.
«اتالعان فاكتى بويىنشا قر قىلمىستىق كودەكسىنىڭ 296-بابى 2-بولىگىنە سايكەس (ەسىرتكى زاتتارىمەن زاڭسىز جۇمىس ىستەۋ) سوتقا دەيىنگى تەرگەۋ امالدارى باستالدى. ەسىرتكى قىلمىسىنا قارسى ءىس-قيمىل ءىىم-ءنىڭ باسىم مىندەتتەرىنىڭ ءبىرى. وسى باعىتتاعى جۇمىس ۇزدىكسىز جۇرگىزىلۋدە», دەدى وبلىستىق پد باستىعىنىڭ ورىنباسارى تالعات شاياحمەتوۆ.
