سپورت • 21 قازان، 2021

سپورت جاڭالىقتارىنا شولۋ

28 رەت كورسەتىلدى

«دينامودان» ۇتىلىپ قالدى

قۇرلىقتىق حوككەي ليگاسىندا (قحل) ونەر كورسەتەتىن نۇر-سۇل­تاننىڭ «بارىسى» ءتورت ويىنعا سوزىلعان سىرت ايدىنداعى ماتچ­تار سەرياسىن اياقتاپ، ەلورداعا ورالدى. مينسكىدە وتكەن سوڭعى ويىن­دا قازاقستاندىق كوماندا جەرگىلىكتى «ديناموعا» ەسە جىبەردى.

 «مينسك-ارەناعا» جينالعان 5 مىڭ جانكۇيەر تارتىستى وتكەن باسەكەدە 11 شايبانىڭ كۋاسى بولدى. كەزدەسۋدىڭ ءبىرىنشى جانە جەتىنشى مينۋتتارىندا «بارىستىڭ شۆەتسيالىق شابۋىلشىسى ياكوب ليليا مەرگەندىگىمەن كوزگە ءتۇسىپ، ەلوردالىق كلۋبتى ەسەپتە العا شىعاردى. بىراق «بارىس» ويىنشىلارىنىڭ قۋانىشى ۇزاققا سوزىلمادى. ەكىنشى كەزەڭدە شيەلەنىستى ويىن ءوز جال­عاسىن تاپتى. 28-مينۋتتا «بارىس» داررەن ءديتستىڭ گولىنىڭ ارقا­سىندا ەسەپتە قايتا العا شىقسا، 36-مينۋتتا ماتتياس تەدەنبيۋ تابلو­داعى كورسەتكىشتى 3:3-كە جەتكىزدى.

ءۇشىنشى كەزەڭدە قارقىنىن باسەڭدەتىپ العان جەرلەستەرىمىز تابلوداعى باسىمدىقتى ۇستاپ قالا المادى. ايدىن يەلەرى اينالدىرعان 7 مينۋتتىڭ ىشىندە يوني ورتيو قورعاعان قاقپاعا ءۇش شايبا سوعىپ، 6:4 ناتيجەسىمەن العا شىقتى. 52-مينۋتتا ياكوب ليليا ويىنداعى ءۇشىنشى، «بارىستىڭ» بەسىنشى گولىن سوققانىمەن، كومانداسىن جەڭىلىستەن قۇتقارىپ قالا المادى. ەسەپ – 6:5. 

20 ويىننان كەيىن «بارىس» «شىعىس» كونفەرەنتسياسىندا 7-ورىندا تۇر. قورجىنىندا 18 ۇپايى بار. جەرلەستەرىمىز كەلەسى ەكى ويىنىن ەلوردادا وتكىزەدى. ەرتەڭ «بارىس ارەنادا» ءياروسلاۆلدىڭ «لوكوموتيۆىن» قابىلداسا، 24 قازاندا چەرەپوۆەتستىڭ «سەۆەرستالىمەن» كەزدەسەدى.

 

 

ماۋسىمدى جەڭىسپەن قورىتىندىلادى

قازاقستاندىق Astana – Premier Tech ۆەلوكومانداسى ۆەنەتسيادا وتكەن وسى ماۋسىمداعى سوڭعى ۆەلوجارىسقا قاتىسىپ، جىلدى جەڭىسپەن تۇيىندەدى. ءبىر كۇندىك «ۆەنەتو كلاسسيك» باسەكەسىندە «استانا» وكىلى سامۋەلە باتتيستەللا توپ جاردى.

Astana – Premier Tech كومانداسى ءۇشىن ماۋسىمنىڭ سوڭعى جارىسى ۆەنەتسيادان باستالىپ، باسسانو-دەل-گراپپا ايماعىندا ءوز مارەسىنە جەتتى. 206 شاقىرىمدىق قاشىقتىقتى «استانانىڭ» يتاليالىق ۆەلوشاباندوزى سامۋەلە باتتيستەللا 5 ساعات 1 مينۋت 49 سەكۋندتا ءجۇرىپ ءوتىپ، ءوزىنىڭ كاسىبي دەڭگەيدەگى العاشقى جەڭىسىنە قول جەتكىزدى.

ەكىنشى جانە ءۇشىنشى ورىنداردى يەلەنگەن شۆەيتساريالىق مارك حيرشي (UAE Team Emirates) مەن كولۋمبيالىق دجوناتان رەسترەپو (Androni Giocattoli – Sidermec) باتتيستەللادان 6 سەكۋندقا قالىپ قويدى. ال ءبىر اپتانىڭ ىشىندە ەكى جارىستا توپ جارعان قازاقستاندىق الەكسەي لۋتسەنكو بۇل باسەكەنى ءتورتىنشى ورىنمەن اياقتادى.

 

 

تەننيسشىلەر تەگىس ءسۇرىندى 

رەسەي استاناسى – ماسكەۋدە ATP 250/WTA 500 ساناتىنداعى ەرلەر مەن ايەلدەر اراسىندا ءداستۇرلى «كرەمل كۋبوگى» ءتۋرنيرى ءوتىپ جاتىر.

وكىنىشكە قاراي، حالىقارالىق جارىستا قازاقستان اتىنان قاتىسقان بارلىق تەننيسشىمىز ءبىرىنشى اينالىمدا ءسۇرىندى. ەرلەر اراسىندا ونەر كورسەتكەن الەكساندر بۋبليك العاشقى كەزەڭدە الەمدىك رەيتينگتە 164-ورىندا تۇرعان ۋكراينالىق يليا مارچەنكودان 4:6، 3:6 ەسەبىمەن جەڭىلىپ قالدى.

سونىمەن قاتار قىزدار باسەكەسىندە باق سىناعان الەمنىڭ 17-راكەتكاسى ەلەنا رىباكينا چەحيالىق ماركەت ۆوندروۋشوۆاعا (35) 4:6، 4:6 ناتيجەسىمەن جول بەردى. تاعى ءبىر قازاقستاندىق تەننيسشى اننا دانيلينا دا ەكىنشى اينالىمعا شىعا المادى. جۇپتىق جارىستا اۋستراليالىق ارينا روديونوۆامەن بىرگە كورتقا شىققان ول چەحيالىق ماريا بوۋزكوۆا مەن لۋتسي گرادەتسكايادان ۇتىلدى – 1:6، 1:6.

 

دايىنداعان

ءالي بيتورە

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار