تاياۋدا جوعارىدا ايتىلعان الاڭقايعا بيىكتىگى ءتورت مەتر, ال ۇزىندىعى جەتى مەتر بولاتىن ساكى ورناتىلدى. تەمىر مەن اعاشتان قيۋلاستىرىپ جاسالعان ساكىگە ساتى ارقىلى عانا ورمەلەپ شىعۋعا بولادى.
قالا اكىمى ەرجان تەمىرحانوۆ جەرگىلىكتى جاستاردىڭ اكىمدىككە بوس ۋاقىتىن وتكىزۋ جانە سەلفي جاساۋ ءۇشىن كرەاتيۆتى ورىن ۇيىمداستىرۋدى ءوتىنىپ, بىرنەشە رەت ءوتىنىش تۇسىرگەنىن ايتادى.
– جاستار بۇل ماسەلەگە جاۋاپكەرشىلىكپەن قاراپ, ءتىپتى كەيبىرى ءوز يدەيالارىن الەۋمەتتىك جەلىلەردە ۇسىندى. ءبىز ولاردىڭ ۇسىنىس-تىلەكتەرىن قابىل الىپ, ساياباققا ەرەكشە ساكى ورناتتىق. تۇرعىندار بۇل م ۇلىككە ۇقىپتى قارايدى دەگەن ۇمىتتەمىز, – دەيدى ول.
بۇگىندە ساياباقتاعى جاستارعا ارنالعان الاڭقايدىڭ ماڭايى كوگالداندىرىلىپ, اينالا اعاشتار ەگىلگەن.
جاستار ءۇشىن جاسالعان بۇل يگىلىكتەر بيۋدجەتتەن تىس قاراجات ەسەبىنەن جۇزەگە اسىپتى. ۇيىمداستىرۋشىلار ساياباقتاعى بۇل الاڭقايدىڭ گيتارادا ويناپ, ءان ايتاتىن جاستاردىڭ سۇيىكتى ورنىنا اينالارىنا سەنىمدى.
