ادامزاتقا بور داۋىرىنەن بەلگىلى بولعان قابىرشاق قاناتتىلاردىڭ بۇگىندە جەر شارىندا ءجۇز مىڭنان استام ءتۇرى كەزدەسەدى. ال قازاقستاندى مەكەندەيتىن تروپيكالىق جاندىكتەردىڭ 3 مىڭنان استام سيرەك ءتۇرى «قىزىل كىتاپقا» ەنگەن.
جاندىكتەردىڭ راريتەتتى تۇرلەرى كوزدىڭ جاۋىن الىپ قانا قويماي, اسەمدىك الەمىنە ەرەكشە قامقورلىقپەن, جاناشىرلىقپەن قاراۋدى قالايدى. بۇل كورمەدە 20 سانتيمەترگە جەتەتىن ەڭ ءىرى قوڭىز, سونىمەن قاتار الەمدەگى ءتورت كوللەكتسيونەردىڭ عانا جيناعىندا كەزدەسەتىن ەنتومولوگيالىق ۇلگىلەر بار.
بەلگىلى پروفەسسور, ەنتومولوگ, ناتۋراليست پاۆەل ماريكوۆسكي̆دەن ءتالىم العان ەنتومولوگ كارينا سارسەنوۆا ءوز توپتاماسىن جابايى الەمدەگى اسەم جاندىكتەرمەن جيىرما جىل بويى تولىقتىرىپ كەلگەن. كورمە ارنايى شاقىرىلعان عالىم, ەنتومولوگ ماسكەۋ مەملەكەتتىك ۋنيۆەرسيتەتىنىڭ پروفەسسورى الەكساندر پەتروۆتىڭ جەتەكشىلىگىمەن ءوتتى.
بۇل قورداعى ۇلگىلەر الەمنىڭ 30-دان استام ەلىنەن جينالعان. زەرگەرلىك شەبەرلىكپەن توپتاستىرىلعان قاناتتى ەكسپوناتتار ىشىندە قازاقستانداعى تروپيكالىق جاندىكتەردىڭ ەنتومولوگيالىق توپتاماسى ەرەكشە كوز تارتادى.
