پوليتسيا قىزمەتكەرلەرى كولىكتىك باقىلاۋ, مەملەكەتتىك كىرىستەر ورگاندارىنىڭ قىزمەتكەرلەرىمەن بىرگە اۆتوكولىك كاسىپورىندارى مەن جولاۋشىلار تاسىمالىمەن اينالىساتىن كاسىپكەرلەردى تەكسەردى. اۆتوبۋستاردىڭ تەحنيكالىق جاعدايىنا جانە جۇرگىزۋشىلەردىڭ جول قوزعالىسى ەرەجەلەرىن ساقتاۋىنا ەرەكشە نازار اۋدارىلدى.
وپەراتسيانىڭ 10 كۇنىندە قوعامدىق كولىك جۇرگىزۋشىلەرى تاراپىنان جاسالعان 22 مىڭنان استام (22 326) جول قوزعالىسى ەرەجەلەرىن بۇزۋشىلىق, ونىڭ ىشىندە كولىكتى ماس كۇيىندە باسقارۋدىڭ 26 فاكتىسى, قارسى جولاققا شىعۋدىڭ 45, مانەۆر جاساۋ ەرەجەلەرىن بۇزۋدىڭ 4,5 مىڭ (4 569) فاكتىسى انىقتالدى.
جىلدامدىق رەجىمىن اسىرعانى ءۇشىن 402 جۇرگىزۋشى جاۋاپكەرشىلىككە تارتىلدى. سونداي-اق زاڭسىز قايتا جابدىقتاۋدىڭ 900 فاكتىسى, رەيس الدىنداعى تەكسەرۋدەن وتپەۋدىڭ 341 فاكتىسى, تەحنيكالىق بايقاۋدان وتپەۋدىڭ 1 845 فاكتىسى, رولدە وتىرىپ تەلەفون پايدالانۋدىڭ 4,5 مىڭنان استام (4 562) فاكتىسى تىركەلدى. جولاۋشىلاردى زاڭسىز تاسىمالداۋدىڭ 308 فاكتىسى انىقتالدى. اۆتوبۋس پاركتەرىنىڭ 194 لاۋازىمدى تۇلعاسى اكىمشىلىك جاۋاپكەرشىلىككە تارتىلدى. 106 رۇقسات ەتىلمەگەن تۇراق جابىلدى.
