قازاقستان • 21 قازان، 2021

وقۋ ۇدەرىسىن ساپالى ۇيىمداستىرعان ۇتادى

30 رەت كورسەتىلدى

ىشكى ىستەر مينيسترلىگىندە ءىىم وقۋ ورىندارىن دامىتۋ پەرسپەكتيۆالارى قاراستىرىلعان جەدەل كەڭەس ءوتتى. كەڭەس بارىسىندا پرەزيدەنتتىڭ تاپسىرمالارىن جانە ۆەدومستۆولىق ءبىلىم بەرۋدى جاڭعىرتۋ جونىندەگى جول كارتاسىن ورىنداۋ بويىنشا ەسەپتەر تىڭدالدى.

پوليتسيانىڭ «سەرۆيستىك مودەلىنە»، قىل­مىستىق پروتسەستىڭ ءۇش بۋىندى مودەلىنە كوشىرۋدى قامتيتىن وقۋ باعدارلامالارى مەن جوسپارلارى تالقىلاندى.

مينيستر ەرلان تۇرعىمباەۆ باسىم نازار اۋدارۋدى تالاپ ەتەتىن بىرقاتار باعىتى بەلگىلەدى، بولاشاق ءىىو قىزمەتكەرلەرىنىڭ وقۋ پروتسەسىن ساپالى ۇيىمداستىرۋدىڭ ماڭىزدىلىعىن اتاپ ءوتتى، پروبلەمالىق ماسەلەلەردى قارادى، ولاردى شەشۋ جولدارىن انىقتادى. وسىلايشا، پروفەسسورلىق-وقىتۋشىلىق قۇرامدى جاساقتاۋ، ونىڭ بىلىكتىلىگىن، سونداي-اق وقۋ ورىندارىنىڭ عىلىمي الەۋەتىن ارتتىرۋ، ىشكى ىستەر ورگاندارىن جاڭعىرتۋدىڭ 2022-2024 جىلدارعا ارنالعان ەكىنشى كەزەڭىن دايىنداۋ شەڭبەرىندە نور­ماتيۆتىك-قۇقىقتىق بازانى جەتىلدىرۋ جونىندە ناقتى نۇسقاۋلار بەرىلدى.

مينيستر سونداي-اق كيبەرقىلمىسكەرلەرگە قارسى ءىس-قيمىلدىڭ تيىمدىلىگىن ارتتىرۋعا باعىت­تالعان جانە كيبەر­قاۋىپ­تەر تاۋەكەلدەرىن باس­قارۋ، اقپاراتتىق قاۋىپ­سىزدىك پەن كيبەر شابۋىل­دارعا توزىمدىلىكتى قامتا­ماسىز ەتۋ تاسىل­دەرى، جوعارى تەحنولوگيالار سالا­سىنداعى قىل­مىس­تارعا قارسى ءىس-قيمىلدىڭ وزەكتى پروبلەما­لارىن زەردەلەۋ جانە ت. ب. تاقى­رىپتاردى قام­تيتىن كي­بەر­قاۋىپ­سىزدىك بويىنشا باعىتتاردى كۇ­شەيتۋدىڭ ماڭىز­دىلىعىن اتاپ ءوتتى.

جوعارى وقۋ ورىندارىنا كريميناليستيكا سالاسىندا جوعارى بىلىكتى كادرلاردى ساپالى دايار­­لاۋدى قامتاماسىز ەتۋ جانە پوليتسيانىڭ «سەرۆيستىك مودەلىندە» ورتالىق تۇلعاعا اينالاتىن ۋچاسكەلىك ينسپەكتورلاردىڭ نەعۇرلىم مۇقيات اكادەميالىق دايىندىعىن قامتاماسىز ەتۋ قاجەتتىلىگى بويىنشا مىندەتتەر قويىلدى. ءىىم بەيىندىك جوعارى وقۋ ورىندارىنىڭ تەرەڭ تەوريالىق جانە پراكتيكالىق دايىندىقتان وتكەن مامانداردى قالىپتاستىرۋ بويىنشا ءوزىنىڭ كوپجىلدىق تاريحى بار ەكەنىن اتاپ وتكەن ءجون.

جوعارى وقۋ ورىندارىنىڭ ءداستۇرى بويىن­شا ارداگەرلەر ادالدىق، ءوز ىسىنە بەرىلگەندىك جانە قىزمەتتىك بورىشىن جانقيارلىقپەن ورىن­داۋ سياقتى اسىل قاسيەتتەردى ءىىو-نىڭ جاس قىزمەتكەرلەرىنە بەرىپ وتىرادى. بۇگىنگى تاڭدا وقۋ ورىندارىن وڭتايلاندىرۋ جۇرگىزىلدى، ءىىو ءۇشىن ماماندار دايارلاۋ ءىىم-ءنىڭ بەس وقۋ ورنىندا جۇرگىزىلۋدە. جەدەل-ىزدەستىرۋ، جەدەل-كريميناليستيكالىق، اكىمشىلىك-قۇقىقتىق جانە قىلمىستىق-اتقارۋ قىزمەتى، سوتقا دەيىنگى تەرگەۋ، اقپاراتتىق جۇيەلەر، راديوتەحنيكا، ەلەكترونيكا جانە تەلەكوممۋنيكاتسيالار بويىنشا كاسىبي
دايارلاۋ فاكۋلتەتتەرى جۇمىس ىستەيدى.

دايىندىق جوعارى وقۋ ورنىنان كەيىنگى ءبىلىم بەرۋ فاكۋلتەتتەرىندە ماگيستراتۋرا جانە دوكتورانتۋرا باعدارلاماسى بويىنشا جۇرگىزىلەدى. بۇدان باسقا، جىل سايىن كادرلاردىڭ بىلىكتىلىگىن ارتتىرۋ جانە قايتا دايارلاۋ كۋرستارىنان 5000-نان استام قىزمەتكەر وتسە، قازىرگى ۋاقىتتا، تۇتاستاي العاندا، جوعارى وقۋ ورىندارىندا 1،6 مىڭ كۋرسانت وقيدى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار