ANTIKOR • 20 قازان، 2021

قىلمىسقا قارسى كۇرەستى ءتيىمدى ۇيىمداستىرۋ قاجەت

863 رەت كورسەتىلدى

بۇگىنگى تاڭدا «جۇرتقا جاقىن پوليتسيا» قاعيداتىن ىسكە اسىرۋ، قوعامدىق ءتارتىپتى ساقتاۋ ءۇشىن مودۋلدىك بەكەتتەر مەن ۋچاسكەلىك پۋنكتتەر جەلىسىن دامىتۋ، جۇمىستى «سەرۆيستىك مودەلىنە» كوشىرۋ، پوليتسيا قىزمەتتەرىنىڭ اشىقتىعىن، ايقىندىعىن جانە قولجەتىمدىلىگىن قامتاماسىز ەتۋ، سونداي-اق حالىقپەن «كەرى بايلانىس ورناتۋ» ماسەلەلەرى ماڭىزدى.

تاياۋدا ىشكى ىستەر ءمينيسترى ەرلان تۇرعىم­باەۆ­تىڭ جەتەكشىلىگىمەن وتكەن القا وتىرىسىندا پرەزيدەنت قاسىم-جومارت توقاەۆتىڭ تاپسىرمالارىنىڭ ورىن­­دالۋ بارىسى جانە ىشكى ىستەر ورگاندارىنىڭ وسى جىلدىڭ 9 ايىنداعى جەدەل-قىزمەتتىك جۇمىسىنىڭ قورى­­تىن­دىلارى تۋرالى باياندالدى. وسى جيىندا بەلگىلى بولعانداي، قابىل­دانعان شارالاردىڭ ناتيجەسىندە اۋىر قىل­مىس­تار، دەنساۋلىققا اۋىر زيان كەلتىرۋ، قاراقشىلىق، توناۋ، زورلاۋ، ۇرلىق، مال ۇرلىعى، بۇزاقىلىق سانىنىڭ ازايۋىنا قول جەتكىزىلدى. وڭ ۇردىستەردىڭ ىشىندە كامەلەتكە تول­ماعاندار اراسىنداعى قۇقىق بۇزۋ­شىلىقتار 30%-عا، ماس كۇيىندە قۇقىق بۇزۋشىلىق جاساۋ 21%-عا، قوعامدىق ورىندار مەن كوشەلەردە ورىن العان قۇقىق بۇزۋشىلىقتاردىڭ ۇشتەن بىرگە ازايۋىن اتاپ ءوتۋ قاجەت. بىر­قا­تار وڭىر­دە وتباسىلىق-تۇرمىس­تىق قىلمىس ايتار­لىقتاي تومەندەگەن.

سونىمەن قاتار مينيستر ينتەرنەت-الاياقتىق سانىنىڭ وسۋىنە نازار اۋداردى. ازاماتتاردىڭ سەنىمدەرىن پايدالانا وتىرىپ، قىلمىسكەرلەر الداۋدىڭ ءارتۇرلى تاسىلدەرىن قولدانادى. كو­بى­نەسە ۇرلانعان قاراجات شەتەلگە ەلەك­ترون­دى تولەم جۇيەلەرى ارقىلى شى­عا­رىلادى. «وسىعان بايلانىستى ءىىم تمد-عا قاتى­س­ۋشى مەملەكەتتەردىڭ ىشكى ىس­تەر مينيسترلەرى كەڭەسىنىڭ وتى­رى­سىن­دا ەلدەن تىس، شەكتەس مەملەكەتتەر اۋماعىندا جاسالاتىن وسىنداي قىل­مىس­­تارعا قارسى ءىس-قيمىل تەتىگىن بىر­لەسىپ ازىرلەۋ تۋرالى باستاما جاسادى. الاياقتىق ءىس-ارەكەتتەر مەن ءتۇرلى قارجى پيراميدالارىنىڭ قىزمەتىنىڭ كەسىرىنەن ازاماتتارعا ايتارلىقتاي ما­­تەريالدىق زيان كەلتىرىلەدى، بۇل شۇ­عىل شارالاردى تالاپ ەتەدى»، دەدى ۆەدومستۆو باسشىسى.

ەسىرتكى قىلمىسىنا قارسى كۇرەس جونىن­دەگى جۇمىس جەكە قارالدى. ەسىرت­كى قۇرالدارىن ينتەرنەت ارقىلى جارنا­ما­لاۋ جانە تاراتۋ ءۇشىن جاۋاپ­كەر­شى­لىك كۇشەيتىلدى. زاڭسىز اينالىمعا جەدەل دەن قويۋ جانە ونى بولدىرماۋ ءۇشىن ەسىرتكىنىڭ جاڭا تۇرلەرىنە تى­يىم سالىنادى، ەسىرتكىنىڭ قىل­مىس­تىق جاۋاپتىلىق تۋىندايتىن «كري­مي­نال­دىق سالماعى» تومەندەتىلەدى.

القا وتىرىسىندا قارالعان تاعى ءبىر وزەكتى ماسەلە جول قاۋىپ­سىز­دىگىن قام­تاماسىز ەتۋ بولدى. جول اپات­تا­رىنىڭ نەگىزگى سەبەبى – جۇر­گىزۋ­شى­لەردىڭ جول قاۋىپسىزدىگىن ساقتا­ما­ۋى، ولاردىڭ كىناسىنەن ءاربىر بەسىنشى جكو جىلدامدىقتى ارتتىرۋعا بايلانىستى، ءاربىر سەگىزىنشى جكو جولدىڭ قارسى قوزعالىس جولاعىنا شىعۋ نەمەسە جول قيىلىستارىنان ءوتۋ سەبەبى بو­­يىنشا جاسالادى. سونداي-اق جاياۋ جۇرگىنشىلەردىڭ ءتارتىبى مەن قاۋىپسىزدىگى ماسەلەسىنە ەرەكشە نازار اۋدارۋ قاجەت. سەبەبى جالپى جكو-نىڭ، ونىڭ ىشىندە ولىممەن اياقتالعان جانە كوپ ادام جاراقاتتانعان جكو سانىنىڭ ءوسۋى.

وسىعان بايلانىستى ە.تۇرعىمباەۆ جولدارداعى قاۋىپسىزدىكتى باقىلاۋدى كۇشەيتۋدى، كوشە-جول جەلىسىنە تەكسەرۋ جۇرگىزۋدى، جول-پايدالانۋ قىز­مەت­تەرىنىڭ بۇزۋشىلىقتاردى جويۋدى ۇيىم­داستىرۋدى، جول ينفرا­قۇرى­لى­مى­نا جاۋاپتى مەملەكەتتىك ورگاندارمەن ءوزارا ءىس-قيمىلدى جانداندىرۋدى تاپسىردى. سونىمەن قاتار مينيستر بەينەباقىلاۋ جۇيەسىن كەڭەيتۋ، جول قوزعالىسى ەرەجەلەرىن بۇزۋدى اۆتوماتتى تۇردە تىركەۋ جۇيەسىن بەلسەندى قولدانۋ جانە اتالعان بۇزۋشىلىقتار ءۇشىن جازالاۋدىڭ بۇلتارتپاستىعى قا­عيداتىن باسىم باعىت دەپ اتادى.

ءبى­رىنشى كەزەكتەگى مىندەتتەر – جەكە قۇ­رام اراسىندا زاڭدىلىق پەن ءتارتىپتى ساقتاۋ، كادر ساياساتىن جەتىلدىرۋ، قوعام مەن حالىقتىڭ سەنىمىنەن شىعاتىن پوليتسەيدىڭ «جاڭا فورماتىن» قۇرۋ.

 

 

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار