كوزىقاراقتى كورەرمەننىڭ تالعامىن تارازىلاپ، رۋحاني كوكجيەگىن كەڭەيتەتىن بىردەن-ءبىر ونەر ورداسى – تەاتر. الايدا «جامان تۇماۋ» جاعادان العان ساتتەن بەرى جالعىز تەاتر عانا ەمەس، كوپتەگەن كوپشىلىك ورىننىڭ ەسىگى تارس جابىلعان ەدى.

ىندەتتى ەل بولىپ ەڭسەرىپ، ۇجىمدىق يممۋنيتەت قالىپتاسا باستاعان سوڭ ونەرگە دەگەن وشپەس ىنتىزارىمىز دا قايتا ويانا باستادى. ماسەلەن، ەلوردادا تاۋەلسىزدىكتىڭ 30 جىلدىعىنا وراي نۇر-سۇلتان قالاسى اكىمدىگىنىڭ ۇيىتقى بولۋىمەن 28 قازان مەن 1 قاراشا ارالىعىندا تەاتر ALL Nur-Sultan theatre week اتتى تەاتر فەستيۆالى قانات جايادى.
ەل ەگەمەندىگىنىڭ 30 جىلى ىشىندە ەلوردانىڭ مادەني ءومىرى اۋىز تولتىرىپ ايتارلىقتاي وزگەردى. وسى جىلدار ارالىعىندا باس قالادا 10-نان استام تەاتر اشىلدى. بۇل قادام ەڭ الدىمەن جاستاردىڭ جان سۇلۋلىعىن قالىپتاستىرىپ، ونسىز دا دۇبىرگە تولى دۇنيەدە ءبىر ساتكە بولسىن قالا تۇرعىندارىنىڭ وي-ءورىسىن ورگە سۇيرەۋگە ارنالعانى انىق.
سونىمەن تەاتر ALL Nur-Sultan theatre week دەپ اتالعان تەاتر فەستيۆالى نە فەستيۆال؟ وعان قانداي ۇجىمدار قاتىسادى؟ قويىلىمدار قاشان، قايدا قويىلادى؟ ونى دا ايتايىق. بىلۋىمىزشە، اتالعان تەاتر اپتالىعىندا ەلوردانىڭ جانە شەتەلدىڭ 11 ۇجىمى ونەر كورسەتەدى. بەس كۇندە باس قالانىڭ تۇرعىندارى باس-اياعى 20-دان استام قويىلىمدى تاماشالايدى. ماسەلەن، كورەرمەن «استانا وپەرا» تەاترى مەن ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ۇكىلەگەن ۇزدىك قويىلىمدارىن كورىپ، كوزايىم بولا الادى. سونداي-اق ءا.مامبەتوۆ اتىنداعى مەملەكەتتىك دراما جانە كومەديا تەاترى، م.گوركي اتىنداعى مەملەكەتتىك اكادەميالىق ورىس دراما تەاترى، مەملەكەتتىك «قۋىرشاق» تەاترى، جاس كورەرمەندەردىڭ مۋزىكالىق تەاترى، «جاستار»، «ناز»، Astana Musical تەاترى دا ءوز ونەرلەرىن ورتاعا سالدى.
فەستيۆالدىڭ قۇرمەتتى قوناقتارى رەتىندە ەلورداعا رەسەيدىڭ بىرنەشە ونەر ۇجىمى دا ات باسىن بۇرادى. ولاردىڭ قاتارىندا س.وبرازتسوۆ اتىنداعى مەملەكەتتىك اكادەميالىق ورتالىق قۋىرشاق تەاترى مەن كىشى برونناياداعى ماسكەۋ دراما تەاترىنىڭ شىعارماشىلىق ۇجىمدارى بار. كورەرمەندەر تەاترعا تەك Ashyq قوسىمشاسى ارقىلى كىرە الادى. سونداي-اق بەتپەردە تاعۋ رەجىمى مەن الەۋمەتتىك قاشىقتىق مىندەتتى تۇردە ساقتالۋى ءتيىس.
بەس كۇن بويى ەلوردانىڭ تەاتر ساحنالارىندا فەستيۆال قاتىسۋشىلارى وزدەرىنىڭ جەتەكشى سپەكتاكلدەرىمەن ونەر كورسەتەدى. سونداي-اق شەبەرلىك سىنىپتارى، زاماناۋي جانە بەينەلەۋ ونەرىنىڭ كورمەلەرى ۇيىمداستىرىلادى. فەستيۆال باعدارلاماسىندا «قىز جىبەك» وپەراسى، «اباي-توعجان» مۋزىكالىق دراماسى، «قۇنانباي»، «جارقانات»، «رومەو مەن دجۋلەتتا»، «جىبەك» سپەكتاكلدەرى، «جيزەل» بالەتى جانە تاعى باسقا قويىلىمدار بار.
– بۇل مادەني ءىس-شارانىڭ ماقساتى مادەنيەت قايراتكەرلەرىن قولداۋ، كورەرمەندەر ءۇشىن دە، فەستيۆال قاتىسۋشىلارى ءۇشىن دە مەرەكەلىك كوڭىل كۇي قالىپتاستىرۋ بولىپ سانالادى. وسى فەستيۆالدى وتكىزۋگە العاش رەت قالانىڭ بارلىق ينفراقۇرىلىمى، سونىڭ ىشىندە شاعىن جانە ورتا بيزنەس تارتىلادى. تەاتر اپتالىعى كەزىندە كورمەلەر، تەاتر ساحناسىنىڭ جەتەكشى تەاترلارى مەن مەترلەرىنىڭ ءتۇرلى شەبەرلىك سىنىپتارى ۇيىمداستىرىلادى، سونداي-اق قالا تۇرعىندارى اراسىندا سپەكتاكلدەردىڭ قىزىقتى پرەمەرالىق قويىلىمدارىنا بيلەتتەر ويناتىلادى. تەاتر اپتالىعىن ۇيىمداستىرۋعا قاتىستى بارلىق اقپارات www.visitnursultan.kz سايتىندا ورنالاستىرىلادى، دەيدى نۇر-سۇلتان قالاسىنىڭ اكىمى التاي كولگىنوۆ.
سونىمەن 29 قازاندا مەلپومەننىڭ ەلوردالىق قىزمەتشىلەرى كورەرمەنگە التى ءتۇرلى قويىلىم ۇسىنادى.
كۇندىز ساعات 11:30-دا «ناز» مەملەكەتتىك بي تەاترى اباي قۇنانباەۆتىڭ اياقتالماعان ء«ازىم اڭگىمەسى» اتتى حورەوگرافيالىق سپەكتاكلىن كورسەتەدى. قويىلىم ادامداردىڭ بايلىق ءۇشىن قانداي ايلا-امالدار مەن ارسىز ارەكەتتەرگە بارا التىندىعىن باياندايدى. قويۋشى-حورەوگرافتار – س.دۇزباەۆ، ا.بەگلوۆا، ۋ.يزەناەۆ، م.بايبولوۆا. مۋزىكانىڭ اۆتورى جانە رەداكتورى – ك.ەران.
ەلوردالىق «قۋىرشاق» تەاترى كىشكەنتاي كورەرمەندەرگە ارناپ گ.اندەرسەننىڭ «ديۋيموۆوچكا» ەرتەگىسىن دايىندادى. قويىلىم الەمدەگى ەڭ كىشكەنتاي قىز بەن ونىڭ دوستارىنىڭ شىتىرمان وقيعالارى تۋرالى باياندايدى. باستالۋى ساعات 14:00-دە. قويۋشى-سۋرەتشىلەر – ە.سارسەنباەۆ، ا.سىرباەۆا.
Astana musical تەاترى كورەرمەندەردى Qazaqstan ورتالىق كونتسەرت زالىندا اعىلشىن دراماتۋرگى رەي كۋنيدىڭ «№13» كومەدياسىن كورۋگە شاقىرادى. وقيعا جەلىسى 13-ءشى ءنومىرلى قوناقۇي بولمەسىندە ءوربيدى. سيۋجەتكە سايكەس، نومىردە ىقپالدى ساياساتكەر ءوزىنىڭ حاتشىسىمەن جانە قاراقشىلارمەن كەزدەسەدى. توناۋشىلاردىڭ كەسىرىنەن كەيىپكەردىڭ بىرەۋى كوز جۇمادى. قالعان كەيىپكەرلەر وسى وقيعا تۋرالى پوليتسياعا حابارلاي الماي ابىگەرگە تۇسەدى. سەبەبى ەسىمى ەلگە بەلگىلى شەنەۋنىككە جاعىمسىز سۇراقتار قويىلاتىن ەدى. سونىمەن 13-نومىردە وقيعا قالاي ءوربيتىنىن كورەرمەندەر 29 قازاندا ساعات 19:00-دە كورە الادى. قويىلىم رەجيسسەرى – Astana musical تەاترىنىڭ كوركەمدىك جەتەكشىسى ەسليام نۇرتازين.
سول ۋاقىتتا ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ساحناسىندا. ت.اسەمقۇلوۆتىڭ «قۇنانباي» دراماسى ۇسىنىلادى. سپەكتاكل-كورىنىس كورەرمەندەردى قازاق حالقى ءۇشىن كۇردەلى تاريحي كەزەڭگە جەتەلەيدى. قويۋشى رەجيسسەرى – بولات ۇزاقوۆ، قويۋشى سۋرەتشىسى – قانات ماقسۇتوۆ.
جاس كورەرمەننىڭ مۋزىكالىق تەاترى ۇلى ابايدىڭ جاستىق شاعىنداعى وقيعالارعا نەگىزدەلگەن مۇحتار اۋەزوۆتىڭ «اباي-توعجان» مۋزىكالىق دراماسىن تاماشالاۋعا شاقىرادى. قويىلىمدا اقىننىڭ توعجانعا دەگەن ماحابباتى، ونىڭ باستان كەشكەندەرى مەن ىشكى دۇنيەتانىمى باياندالادى. قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى اسحات ماەميروۆ. باستالۋى – ساعات 16:00-دە.
سول كۇنى كەشكە كورەرمەن «جاستار» تەاترىنىڭ ارتىستەرى ساحنالايتىن ۋ.شەكسپيردىڭ «اساۋعا تۇساۋ» كومەدياسىن تاماشالاي الادى. كورەرمەندى كەيىپكەرلەردىڭ ديالوگى مەن مىنەز-قۇلقى، تاپ بولعان ازىلگە تولى جاعدايلارى قىزىقتىرادى دەپ سەنەمىز. كومەديانىڭ رەجيسسەرلەرى – نۇرقانات جاقىپباي، بەكبولات قۇرمانعوجاەۆ جانە داۋرەن سەرعازين. سپەكتاكل 29 قازان كۇنى ساعات 19:00-دە وتەدى.
باعدارلاما اياسىندا 30 قازان كۇنى كەشكى ساعات 19:00-دە جاس كورەرمەننىڭ مۋزىكالىق تەاترى ن.ءموشيننىڭ «دۇنيە-عاپىل» مەتافيزيكالىق دراماسىن كورۋگە شاقىرادى. قويىلىم اۆتورلارى ءومىردىڭ ءمانى مەن ماڭىزىن، ادامنىڭ جان دۇنيەسىن كورسەتە وتىرىپ، ادامزات بالاسى ءۇشىن ورتاق تاقىرىپقا جۇگىنەدى. قويۋشى-رەجيسسەر جانە ستسەنوگراف – اسحات ماەميروۆ.
كۇندىز ساعات 17:00-دە تەاتر ارتىستەرى ف.دوستوەۆسكيدىڭ «اعايىندى كارامازوۆتار» رومانىنىڭ جەلىسى بويىنشا «ۇلدار» دراماسىن كورسەتەدى. سپەكتاكل جاسوسپىرىمدەردىڭ ءومىرى تۋرالى باياندايدى. بالا تاربيەلەۋدىڭ، بالالارمەن ءوزارا قارىم-قاتىناس جاساۋدىڭ وزەكتى ماسەلەلەرىن كوتەرەدى. قويۋشى رەجيسسەرى – ەرنازار جاڭاتىلەك، اۋدارماسىن ا.وماش جۇرگىزدى.
31 قازان كۇنى ساعات 19:00-دە «جاستار» تەاترىنىڭ ساحناسىندا ت.احمەتجاننىڭ «تاپتىم. عاشىق بولدىم. جوعالتتىم» ميۋزيكلى ساحنالانادى. سيۋجەت جەلىسىندە ءتۇرلى كەدەرگىلەر مەن قىم-قيعاش وقيعانى، درامانى باستان كەشىرەتىن قوس عاشىقتىڭ ماحاببات تاريحى جاتىر. مۇڭدى اۋەنمەن ارلەنىپ، ساعىنىشپەن ورىلگەن بۇل ماحاببات تاريحى كورەرمەندى بەي-جاي قالدىرمايتىنى انىق. قويۋشى رەجيسسەرى – نۇرقانات جاقىپباي، قويۋشى سۋرەتشىسى – قابىل حالىقوۆ، حورمەيستەر – انەل سىرگەباەۆا، بالەتمەيستەر – گيۋزەل مۇحامەدجانوۆا.
سول كۇنى «ناز» مەملەكەتتىك بي تەاترى «تۇعىرعىندار» حورەوگرافيالىق سپەكتاكلىن ۇسىنادى. قويىلىمدا قازاق حاندىعى قۇرىلعانعا دەيىنگى ەجەلگى تاريحىمىز، VI-XI عاسىرلار ارالىعىندا ۇلى دالانى مەكەن ەتكەن ساق، عۇن، قاڭلى كەزەڭدەرى تۋرالى باياندالادى. كورەرمەندەر تۇرىك قاعاناتىنىڭ قالاي قۇرىلعانىن جانە قالىپتاسقانىن تاماشالايدى. قويۋشى حورەوگرافتار – ە.اعىمباەۆ، ك.اعىمباەۆا، م.ايتماعامبەتوۆا. باستالۋى – ساعات 17:00-دە.
Astana musical مەملەكەتتىك تەاترى كورەرمەندەردى 31 قازان كۇنى ساعات 18:00-دە COVID-19 بي-پەرفورمانسىن تاماشالاۋ ءۇشىن Qazaqstan كامەرالىق زالىنا شاقىرادى. حورەوگرافيالىق سپەكتاكل كارانتين كەزىندەگى ادامنىڭ ماڭگىلىك قۇندىلىقتارى، ىشكى جاعدايى، ساناسىنداعى وزگەرىستەر، حالىقتىڭ ابسۋردتىق ارەكەتتەرى مەن سەنىمدەرى، جاقىندارى مەن تۋىستارىنان ايىرىلعان كەزدەگى ازابى تۋرالى باياندايدى. سپەكتاكلدىڭ رەجيسسەرى – انەل مىرزاعۇلوۆا، مۋزىكالىق شىعارمالاردىڭ اۆتورى – اقجول ومىرزاقوۆ.
سول كۇنى ساعات 11:30-دا قۋىرشاق تەاترىندا قازاق حالىق ەپوسىنىڭ جەلىسى بويىنشا قويىلعان «ەر توستىك» سپەكتاكلى كورسەتىلەدى. قويىلىمدا قازاقتىڭ سالت-داستۇرلەرى، ادەت-عۇرپى، اتا-انا مەن اعا ۇرپاققا دەگەن قارىم-قاتىناسى كورىنىس تابادى. سپەكتاكلدە باتىرلاردىڭ ەرلىگى، تۋعان جەرگە دەگەن ماحابباتى تۋرالى باياندالادى. رەجيسسەرى – قۇرالاي ەشمۇراتوۆا.
فەستيۆالدىڭ سوڭعى كۇنى، ياعني 1 قاراشادا «جاستار» تەاترىنىڭ ساحناسىندا «قاناتتىلار» مۋزىكالىق-پوەتيكالىق قويىلىم ۇسىنىلادى. بۇل تۋىندىنى تاماشالاعان كورەرمەن جالپىادامزاتتىق قۇندىلىقتار، ءومىردىڭ ءمانى، جازمىش پەن تاعدىر تۋرالى وي تولعاناتىنى انىق. سپەكتاكل ينكليۋزيۆتى «قاناتتىلار» تەاترى ءۇشىن پرەمەرالىق قويىلىم سانالادى. اۆتورى – گ.سالىقباي، رەجيسسەرى – ن.ۆاحيتوۆ.
رەسەيدەن زاڭسىز اكەلىنگەن الكوگول ونىمدەرى تاركىلەندى
قازاقستان • بۇگىن، 14:39
ەلوردادا حالىقارالىق ىزدەۋدە جۇرگەن قىلمىسكەر ۇستالدى
قوعام • بۇگىن، 14:30
پەتروپاۆلداعى قالالىق سوتقا «بومبا» قويىلدى
قوعام • بۇگىن، 14:23
جالعان ديپلوممەن لاۋازىمدى قىزمەتكە ورنالاسقاندار انىقتالدى
قوعام • بۇگىن، 14:10
سولتۇستىك وڭىرلەردە قانت قىمباتتادى
ايماقتار • بۇگىن، 14:01
ەلىمىزدە 607 ەسىرتكى قىلمىسى انىقتالدى
قوعام • بۇگىن، 13:40
ەكونوميكا • بۇگىن، 13:23
ەسىرتكى جارنامالاعان 1،6 مىڭنان استام سايت بۇعاتتالدى
قوعام • بۇگىن، 13:01
كيىكتى اتقان اقمولا تۇرعىنىنا قاتىستى ءىس قوزعالدى
ايماقتار • بۇگىن، 12:52
نۇر-سۇلتاندا «ارقار» كوپىرىنە جوندەۋ جۇمىستارى جۇرگىزىلەدى
ەلوردا • بۇگىن، 12:42
قوستانايلىق كولىك جۇرگىزۋشى قالا ورتالىعىنىڭ استاڭ-كەستەڭىن شىعاردى
وقيعا • بۇگىن، 12:33
ەلىمىزدە 12 مىڭعا جۋىق ينتەرنەت-الاياقتىق تىركەلدى
قوعام • بۇگىن، 12:28
قازاقستاندىقتار ءوز ەركىمەن 1،3 مىڭ اتىس قارۋىن تاپسىردى
قوعام • بۇگىن، 12:18
الداعى كۇندەرى اۋا رايى قانداي بولادى
اۋا رايى • بۇگىن، 12:10
ەلوردادا جاڭا مەكتەپ پايدالانۋعا بەرىلەدى
ءبىلىم • بۇگىن، 12:04
قازاقستاندىقتاردىڭ ورتاشا زەينەتاقى مولشەرى بەلگىلى بولدى
قارجى • بۇگىن، 11:52
جامبىل وبلىسىندا تەكسەرۋ كوميسسياسىنىڭ توراعاسى سوتتالدى
ANTIKOR • بۇگىن، 11:45
وتكەن اپتادا ەلىمىزدە 3 مىڭنان استام قىلمىس تىركەلدى
قوعام • بۇگىن، 11:40
ەلەنا رىباكينا الەمدەگى ۇزدىك 25 تەننيسشىنىڭ قاتارىنا قوسىلدى
تەننيس • بۇگىن، 11:32
سۇڭگۋىرلەر جايىققا باتىپ كەتكەن بالانىڭ دەنەسىن ىزدەستىرىپ جاتىر
قوعام • بۇگىن، 11:22
ەۋروپالىقتار سۋدى ۇنەمدەي باستادى
الەم • بۇگىن، 11:15
اقمولا وبلىسىندا 650-دەن استام ادامدى كەنە شاققان
ايماقتار • بۇگىن، 11:01
مۇگەدەكتىگى بار ادامدار پورتال ارقىلى 237 مىڭنان استام قىزمەت الدى
قوعام • بۇگىن، 10:55
يسلاميادا: قازاقستان قۇراماسىنىڭ قورجىنى تاعى 2 مەدالمەن تولىقتى
سپورت • بۇگىن، 10:42
بقو-دا مۇناي ونىمدەرىنىڭ زاڭسىز اينالىمى توقتاتىلدى
وقيعا • بۇگىن، 10:35
اقتوبەدە جول اپاتىنان 4 ادام كوز جۇمدى
ايماقتار • بۇگىن، 10:21
شقو-دا جوعالىپ كەتكەن بالا ءالى تابىلعان جوق
قوعام • بۇگىن، 10:17
«كوشە اقىنى» ءفيلمى كورەيا كينوفەستيۆالىندە كورسەتىلەدى
ونەر • بۇگىن، 10:08
ەگيپەتتە شىركەۋدەگى ورتتەن 41 ادام كوز جۇمدى
الەم • بۇگىن، 09:55
وسكەمەندە اۋتيست بالا جوعالىپ كەتتى
ايماقتار • بۇگىن، 09:42
ەلوردادا 14 اۆتوبۋستىڭ قوزعالىس باعىتى وزگەردى
ەلوردا • بۇگىن، 09:34
قازاقستاننىڭ باسىم بولىگىندە كۇن ىستىق بولادى
اۋا رايى • بۇگىن، 09:25
15 تامىزعا ارنالعان ۆاليۋتا باعامى
قارجى • بۇگىن، 09:16
اننا دانيلينا اقش-تاعى تۋرنيردە جەڭىمپاز اتاندى
تەننيس • بۇگىن، 09:09
كوروناۆيرۋستىڭ تاۋلىكتىك كورسەتكىشى تومەندەدى
كوروناۆيرۋس • بۇگىن، 09:00
ايماقتار • بۇگىن، 08:43
فۋتبول • بۇگىن، 08:40
تەننيس • بۇگىن، 08:39
حوككەي • بۇگىن، 08:37
ەرەكشە بالالارعا قامقور ورتالىق
قوعام • بۇگىن، 08:35
ۇقساس جاڭالىقتار