ايماقتار • 20 قازان، 2021

الماتى تاۋلارىنا قۇتقارۋ لاشىقتارى ورناتىلادى

30 رەت كورسەتىلدى

الماتى تاۋلارىندا قاۋىپسىزدىكتى قامتاماسىز ەتۋ كەشەندى ءىس-شارالارى اياسىندا قۇتقارۋ لاشىقتارى ورناتىلىپ جاتىر. بۇل تۋرالى قالا اكىمى باقىتجان ساعىنتاەۆ «الماتى» تەلەارناسىنداعى Akimat LIVE باعدارلاماسىنىڭ تىكەلەي ەفيرىندە مالىمدەدى، دەپ حابارلايدى Egemen.kz.

تىكەلەي ەفيردە قالا تۇرعىندارىنىڭ سۇراقتارىنا جاۋاپ بەرە وتىرىپ، باقىتجان ساعىنتاەۆ ءمودۋلدى قۇتقارۋ لاشىقتارى تاۋلارعا تىكۇشاقتاردىڭ كومەگىمەن جەتكىزىلەتىنىن حابارلادى.

«تىكۇشاقتار ءمودۋلدى قۇتقارۋ لاشىقتارىن تاۋداعى ورناتۋ ورىندارىنا جەتكىزەدى. سەبەبى، تاۋلى جەرلەردە كولىكپەن ءجۇرۋ وتە قيىن، سوندىقتان تىكۇشاقتار پايدالانىلادى»، دەپ جاۋاپ بەردى ساعىنتاەۆ.

قالا اكىمى ايتقانداي، قۇتقارۋ مودۋلدەرى قيىن جاعدايعا تاپ بولعان، اۋا رايىنىڭ قولايسىزدىعى ءۇشىن تاۋدا قالعان تۋريستەر اراسىندا جازاتايىم وقيعالاردىڭ الدىن الۋ ماقساتىندا ورناتىلعان.

بۇگىندە 15 قۇتقارۋ لاشىعى 7 نۇكتەدە - «جوعارعى گورەلنيك»، «تۇيىقسۋ» مۇزدىعىنىڭ سوڭعى مورەناسى، «لۋننايا پوليانا»، «پروحودنوە» شاتقالى، «ۇلكەن الماتى» شاتقالى، «قىزىلساي شاتقالى» جانە «سول جاقتاعى تالعار» جەرلەرىندە ورناتىلدى. قاراشا ايىنىڭ سوڭىنا دەيىن تاعى 8 لاشىق ورناتۋ جوسپارلانىپ وتىر.

ءار لاشىق قۇتقارۋشىلار پۋلتىنە سيگنال بەرۋ ءۇشىن «SOS» باتىرماسىمەن جابدىقتالعان.

سونداي-اق لاشىقتىڭ ءىشى جىلىتىلادى ءارى مۇندا العاشقى مەديتسينالىق كومەك پاكەتى، ۇيالى تەلەفوندى زاريادتاۋ، جىلى كورپە جانە بۇزىلمايتىن ونىمدەر جيىنتىعى بار.

ايتا كەتەرلىگى، تۋريستەردىڭ تاۋ لاشىقتارىن پايدالانعان جاعدايلارى بولدى. كەيبىرەۋلەر باعىتتىڭ ۋاقىتىن نەمەسە ءوز كۇشىن ەسەپتەي الماسا نەمەسە اۋا رايى بۇزىلسا سول جەردە قالىپ، تۇنەيدى.

سونىمەن قاتار قازىرگى ۋاقىتتا شىمبۇلاق پەن مەدەۋدە ۆيزيت-ورتالىقتار جۇمىس ىستەۋدە. وسىنداي ورتالىقتار ايۋساي شاتقالىندا جانە گورەلنيك جىلۋ كوزىنىڭ جانىندا اشىلعان. مۇندا تاۋلارداعى قاۋىپسىز ءتارتىپ بويىنشا نۇسقاۋلىق وتكىزىلىپ تۇرادى.

سونداي-اق تۋريستەردىڭ قاۋىپسىزدىگى ءۇشىن ۇيالى بايلانىسپەن قامتۋ ايماعى كەڭەيتىلۋدە. كىشى جانە ۇلكەن الماتى شاتقالدارىندا 2 باقىلاۋ-قۇتقارۋ پۋنكتى، تۇيىق سۋ شاتقالىندا تىكۇشاق الاڭى سالىنۋدا، قۇتقارۋ جاساقتارىنا دابىل بەرۋ تۇيمەلەرى بار 10 راديورەلەلىك دىڭگەك ورناتىلىپ جاتىر.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار