ەكونوميكا • 20 قازان، 2021

ۇلتتىق بانك ستۋدەنتتەردى جۇمىسقا شاقىردى

83 رەت كورسەتىلدى

قازاقستان ۇلتتىق بانكى تالانتتى جاستاردى قارجى ۇيىمىنىڭ قۇرىلىمىندا جۇمىس ىستەۋگە تارتۋ ماقساتىندا وندىرىستىك تاجىريبەدەن وتكىزۋ ءۇشىن جوعارى وقۋ ورىندارىنىڭ ستۋدەنتتەرىن قابىلدايدى، دەپ حابارلايدى Egemen.kz.

قاتىسۋشىلار تاپسىراتىن ءوتىنىم 2021 جىلعى 20 قازاننان 20 جەلتوقسانعا دەيىن قابىلدانادى ۇمىتكەرلەر كەلەسى تالاپتارعا سايكەس بولۋعا ءتيىس:

جوعارى نەمەسە جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا سوڭعى كۋرسىندا وقۋ; ۇلگەرىمنىڭ ورتاشا بالى (GPA) – كەمىندە 3.0 ء(بىلىمدى باعالاۋدىڭ 4 بالدىق جۇيەسى كەزىندە) نەمەسە كەمىندە 4.0 ء(بىلىمدى باعالاۋدىڭ 5 بالدىق جۇيەسى كەزىندە).

ىرىكتەۋگە قاتىسۋ ءۇشىن مىناداي قۇجاتتار كەرەك:

تىركەۋ فورماسى; جوعارى وقۋ ورىننىڭ باسشىلىعىنان نەمەسە جوعارى وقۋ ورىننىڭ فاكۋلتەت باسشىلىعىنان ۇسىنىم حات;

ۇلگەرىمنىڭ ورتاشا بالىن (GPA) كورسەتە وتىرىپ، وتكەن پاندەر مەن ولار بويىنشا باعالار (ترانسكريپت) كورسەتىلگەن قۇجات;

وقۋ ورىننان ستۋدەنتتىڭ جوعارى وقۋ ورنىندا وقيتىنىن راستايتىن انىقتاما;

قوسىمشا كەلەسى قۇجاتتار دا ۇسىنىلۋى مۇمكىن: شەت تىلىنەن ەمتيحان تاپسىرعانى تۋرالى حالىقارالىق سەرتيفيكاتتاردىڭ كوشىرمەلەرى (IELTS، TOEFL جانە ت.ب.);

سەرتيفيكاتتاردىڭ، گراموتالاردىڭ، ديپلومداردىڭ جانە ت.ب. كوشىرمەلەرى.

بۇكىل قۇجاتتى مىنا ەلەكتروندىق پوشتاعا جىبەرۋ قاجەت: [email protected]

وندىرىستىك تاجىريبە كەزىندە ۇلتتىق بانكتىڭ بارلىق قىزمەت باعىتىنان وتۋگە بولادى. ستۋدەنتتەر وزدەرى العان تەوريالىق ءبىلىمدى وندىرىستىك تاجىريبەدە بەكىتۋگە جانە ديپلومدىق/ماگيسترلىك جۇمىستاردى جازۋعا قاجەتتى ماتەريالداردى جيناقتاۋعا مۇمكىندىك الادى.

ەپيدەميولوگيالىق جاعدايعا بايلانىستى وندىرىستىك تاجىريبە وفلاين رەجيمدە دە، قاشىقتان دا ءوتۋى مۇمكىن.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار