بۇل تۋرالى وبلىستىق تجد مالىمدەدى.
بايلانىس پۋنكتىنە كوپقاباتتى ءۇيدىڭ كورشىلەرىنەن قوڭىراۋ كەلىپ ءتۇستى. ءورت سوندىرۋشىلەر بىرنەشە مينۋتتان كەيىن تج ورنىنا كەلىپ, ەكىنشى قاباتتا, جالپى الاڭى 7 شارشى مەتر زال بولمەسىندەگى جيھاز, تەرەزە ويىعى جانە پلاستيكتەن جاسالعان بالكون جانعانىن انىقتادى.
پاتەردە ەكى ادام بولدى. ولار 1969 جىلى تۋعان ەر ادام جانە 1975 جىلى تۋعان ايەل. ەر ادامدى ەسىكتەن ەۆاكۋاتسيالاۋعا تۋرا كەلدى, ويتكەنى ول تاياقپەن قوزعالاتىن. ەۆاكۋاتسيادان كەيىن قۇتقارۋشىلار زارداپ شەككەندەرگە تەرميالىق كۇيىك دياگنوزىمەن مەديتسينالىق كومەك كورسەتتى: ايەلدىڭ دەنەسىن 10-19%, پاتەر يەسىنىڭ 30-39%-ىن كۇيىك شالعان.
ايتا كەتەرلىگى, ەكەۋى دە ماس كۇيىندە ەكەنى بەلگىلى بولدى. قازىر ولار قوستاناي قالاسىنىڭ قالالىق اۋرۋحاناسىنىڭ تراۆماتيكالىق بولىمشەسىندە جاتىر.
ء«ورت 01:23-تە جويىلدى. وقيعا ورنىندا 3 بىرلىك تەحنيكا جانە جەكە قۇرامنان 10 ادام جۇمىس ىستەدى. ءورت كەزىندە ءۇيدىڭ بارلىق تۇرعىن (ونىڭ ىشىندە 5 بالا 20 ادام) ءوزىن-ءوزى ەۆاكۋاتسيالادى, ولاردىڭ ەشقايسىسى زارداپ شەككەن جوق جانە كومەككە مۇقتاج ەمەس», دەلىنگەن ۆەدومستۆو حابارلاماسىندا.
