«بيىلعى جىلعى 9 ايدىڭ قورىتىندىسى بويىنشا قازاقستاننىڭ ىشكى جالپى ءونىمىنىڭ ءوسۋى 3,4% بولدى, مۇنايدىڭ ورتاشا باعاسى ءبىر باررەل ءۇشىن 68 اقش دوللارى دەڭگەيىندە قالىپتاستى. بۇل سەرپىن قازاقستان ەكونوميكاسىن دامىتۋدىڭ وپتيميستىك ستسەناريىنە سايكەس كەلەدى. مۇنايدىڭ ورتاشا جىلدىق باعاسى ءبىر باررەل ءۇشىن 70 اقش دوللارى بولعان كەزدە ۇلتتىق بانك ىشكى جالپى ءونىمىنىڭ 2021 جىلى 3,7-4% دەڭگەيىندە ءوسۋىن كۇتەدى», دەدى ە. دوساەۆ.
ونىڭ ايتۋىنشا, الەمدىك جانە ۇلتتىق ەكونوميكالاردىڭ وسىنداي تەز قالپىنا كەلۋى جالعاسىپ جاتقان فيسكالدىق ىنتالاندىرۋ باعدارلامالارى مەن جەڭىل اقشا-كرەديت تالاپتارىنىڭ ناتيجەسىندە مۇمكىن بولدى.
«سونىمەن بىرگە, بۇل فاكتورلار تۇتىنۋشىلىق سۇرانىستىڭ قالپىنا كەلۋىنە جانە الەمدەگى ينفلياتسيالىق قىسىمنىڭ ايتارلىقتاي وسۋىنە اكەلدى. وسى جىلدىڭ باسىنان باستاپ باعانىڭ ءوسۋى تاريحي ەڭ جوعارى كورسەتكىشتەردى جاڭارتىپ وتىر. الەمنىڭ ءىرى ەكونوميكالارىندا ينفلياتسيا 13 جىلدىق ەڭ جوعارى كورسەتكىشتەرگە جەتتى. اقش-تا 5,4%-عا دەيىن, ەۋرووداقتا – 3,4%-عا دەيىن ءوستى», دەپ ءتۇسىندىردى ۇب باسشىسى.
